Qylmystyq top ekı jyl boiy temır joldardyŋ jaǧdaiyn jaqsartuǧa baǧyttalǧan materialdardy ūrlap kelgen, dep habarlaidy "Adyrna" saity Bas kölık prokuraturasynyŋ baspasöz qyzmetıne sılteme jasap.
Tergeuşılerdıŋ mälımetınşe, ūrlanǧan jamauşy materialdar, şpaldar, relster jäne basqa da tauarlar jaramsyz nemese belgılı bır aqaular bar dep, jol bölıgınıŋ üstıŋgı qūrylystaryna ornatylǧany turaly jalǧan aqparat beru arqyly esepten şyǧarylǧan.
«Qylmystyq topqa «QTJ» ŪK» AQ Qaraǧandy filialynyŋ qazırgı jäne būrynǧy 17 qyzmetkerı tartyldy. Olardy polisiia nazarlaryna aldy», - delıngen habarlamada.Aitpaqşy, 127 million teŋgeden astam somaǧa aldyn ala zalal keltırılgen, būl temırjol relsterınıŋ joǧarǧy qūrylymyna şamamen 800 tonna material dep boljandy.
«Bügıngı taŋda ūrlanǧan tauarlardyŋ basym bölıgınıŋ satyp aluşylar men ornalasqan jerı, sondai-aq olar tasymaldanǧan jük kölıkterı anyqtaldy. Sottyŋ rūqsatymen Jaŋaarqa jol distansiiasy uchaskesınıŋ basşysy men onyŋ orynbasary, sondai-aq jelılık polisiia bölımınıŋ bastyǧy uaqytşa ūstau izoliatoryna qamaldy», - dep tolyqtyrdy prokuratura.
"Adyrna" ūlttyq portaly
Ūqsas jaŋalyqtar
