SQO-da 250-ge juyq äskerge şaqyryluşy Reseige qaşyp ketken. Būl turaly oblystyq qorǧanys ısterı jönındegı departament mälımdedı, dep habarlaidy “Adyrna” ūlttyq portaly.
Petropavlsk.news-tıŋ aqparatynşa, SQO äkımdıgınde ötken jiynda äskerge şaqyru nauqanynda kezdesetın negızgı mäseleler aityldy.
«Demografiialyq üderısterdıŋ saldarynan SQO-da soŋǧy 10 jylda äskerge şaqyryluşylar sany 38 myŋ adamnan 16 myŋǧa deiın tüstı, iaǧni 60 % kemıdı. Būryn jylyna 1300 jıgıttı jıberuımız kerek bolsa, qazır ol 200 adamǧa ǧana qysqardy, 1100 adamdy jasaqtap, attandyruymyz kerek. Oblys Reseidıŋ Qorǧan, Tümen, Omby oblystarymen şektesıp jatqandyqtan būl da äser etude. Äskerge şaqyru nauqany bastalǧanda jıgıtterımız eş qiyndyqsyz şekara asyp ketedı. Qazırgı uaqytta äskerge şaqyryluy tiıs 250-dei adam osy körşı memlekette jür», - deidı oblystyq qorǧanys ısterı jönındegı departament bastyǧynyŋ orynbasary Marat Kärımov.
Kelesı mäsele – jıgıtterdıŋ densaulyǧyna qatysty. Äskerge şaqyryluşylardyŋ tek 15 % ǧana medisinalyq komissiiadan ırkılıssız ötedı. 45 % densaulyǧyna bailanysty türlı şekteulerı bolsa, 40 % beibıt jaǧdaida äskeri qyzmetke jaramysz.
«Sondai-aq äskerge şaqyryluşylardy tırkelgen mekenjaiy boiynşa tappai jatamyz. Ata-analardyŋ köpşılıgı balalaryn äskerge jıbergısı kelmeidı, sondyqtan onyŋ jürgen jerın jasyrady, būl da bızdıŋ jūmysymyzdy qiyndatady. Qazırgı uaqytta SQO boiynşa äskeri esepte tūrǧan 967 adamnyŋ jürgen jerı belgısız», - deidı Marat Kärımov.
Eske salaiyq, Qazaqstanda 1 nauryzdan bastap merzımdı qyzmetke äskerge şaqyru bastaldy.12 şıldege deiın Qazaqstan Qaruly kūşterınıŋ qatary 18-ben 27 jas aralyǧyndaǧy 18 myŋnan astam er-azamat tolyǧuy tiıs.
