Astanada 2023 jyldyŋ 15-17 nauryz aralyǧynda «Nazarbaev Ziiatkerlık mektepterı» derbes bılım beru ūiymynda «Biomedisina, injeneriia i tehnologiialar» atty HII Nauryz kezdesulerı öttı.
Nauryz kezdesulerı – oquşylardyŋ ǧylymi talanttary men zertteuşılık şabyttyryn köktem merekesınıŋ eŋ maŋyzdy salt-dästürlerımen toǧystyratyn «Nazarbaev Ziiatkerlık mektepterı» derbes bılım beru ūiymynyŋ airyqşa dästürı. Nauryz kezdesulerı 2011 jyldan berı ötkızılıp keledı jäne zamanaui ǧylymnyŋ jahandyq basymdyqtary ışındegı eŋ özektı taqyryptaryna arnaldy.
Astanada densaulyq saqtau salasyna jasandy intellekt, robototehnika, maşinalyq oilau jäne ülken derekterdı engızu jobalarymen tabysty jūmys ıstep kele jatqan barlyq Ziiatkerlık mektepterdıŋ jas ǧalymdary jinaldy. Mektep oquşylarynyŋ ǧylymi-zertteu jūmystary 3D-bioprintingke, aqyldy protezder men biointerfeisterdı jasauǧa jäne zamanaui medisinanyŋ basqa da özektı basymdyqtaryna arnalady.
Oqu-aǧartu ministrı Ǧani Beisembaev NIS-tıŋ Nauryz kezdesulerın ülken ǧylymǧa jasalǧan alǧaşqy qadam dep atady.
– Küläş Noǧataiqyzy Şämşidinovanyŋ bastamasymen jüzege asqan Nauryz kezdesulerınıŋ tarihi maŋyzy zor, sebebı elımızde jas ǧalymdardyŋ bıregei alaŋy paida boldy. Bırneşe jyldan keiın bız älemdık jaŋalyqtar avtorlary men Nobel syilyǧynyŋ laureattarynyŋ arasynan bügıngı qatysuşylardyŋ esımderın estitınımızge senımdımın, – dep atap öttı Ǧani Beisembaev.
«Nazarbaev Ziiatkerlık mektepterı» DBBŪ basqarma töraǧasy Anuar Janǧozin Kezdesulerdıŋ basty taqyrybyna ainalǧan biomedisina men densaulyq saqtau salasyna jasandy intellekt pen maşinalyq oilaudy engızudıŋ özektılıgın jäne jas önertapqyştardyŋ jahandyq ǧylymnyŋ sūranysqa ie baǧyttary boiynşa jūmys ısteuge degen ūmtylysyn erekşe atap öttı:
– Nauryz kezdesulerı Nazarbaev Universitetınıŋ Medisina mektebı jäne İnjeneriia men sifrlyq tehnologiialar mektebı, «University Medical Center» korporativtık qory Ana men bala ūlttyq ǧylymi ortalyǧy jäne Qazaqstan Respublikasy Prezidentı Is Basqarmasynyŋ Medisinalyq ortalyǧy auruhanasymen serıktestıkte ötude. Biomedisina, injeneriia jäne tehnologiia salalaryna bailanysty mamandyqtardy taŋdaǧan oquşylarymyz men tülekterımızdıŋ köbı bılımderın Nazarbaev Universitetı men basqa da qazaqstandyq joǧary oqu oryndarynda jalǧastyryp, keiın otandyq ǧylym, medisina, farmasevtika, bioinjeneriia jäne sifrlyq tehnologiialardy ılgerıletu jolynda jūmys ısteudı josparlap otyr.
Bügınde jasandy intellekt pen BIG DATA medisinada revoliuiasiia jasauda. Osy qaitalanbas şaranyŋ bügıngı qatysuşylary bolaşaqta bızdıŋ universitettıŋ studentı atanyp, tek qazaqstandyq ǧana emes, älemdık ǧylymdy da nasihattaitynyna ümıttenemız, – dedı Nazarbaev Universitetınıŋ medisina jönındegı vise-prezidentı, Medisina mektebınıŋ dekany Massimo Piniatelli.
Nauryz kezdesulerı qatysuşylaryna Ana men bala Ūlttyq ǧylymi ortalyǧynyŋ balalar hirurgiiasy bölımınıŋ jetekşısı Dastan Rüstemovtıŋ baiandamasy erekşe şabyt berdı. Spiker balalar hirurgiiasynyŋ erekşelıkterı men jaŋaşyldyqtary turaly aityp berdı:
– Qazır qazaqstandyq medisina qarqyndy damyp keledı. Bügıngı künı eŋ kürdelı aǧzany auystyru otalaryn jasauǧa mümkındık bar. Bızdıŋ ortalyqta ana qūrsaǧynda jatqan närestelerge de ota jasauǧa bolady. Elımızde jäne düniejüzınde balalar hirurgiiasy mamandary jetıspeidı. Nauryz kezdesulerınıŋ qatysuşylary bolaşaqta bızdıŋ ärıptesterımızge ainalady dep senemız.
Aita keteiık şaraǧa bılım berudı tūraqty damytu qory jalpy bılım beretın 17 mekteptıŋ oquşylarynyŋ da jobalary Nauryz kezdesulerıne qatysuyna mümkındık jasady.
