Shymkent árdaıym dámdi taǵamy jáne qonaqjaılylyǵymen erekshe. Qazir ál-Farabı alańynda Naýryz merekesi aıasynda barmaǵynan bal tamǵan aspazdar synǵa túsip jatyr. Bul saıys Shymkent qalasynyń týrızm, syrtqy baılanystar jáne kreatıvti ındýstrııa basqarmasynyń uıymdastyrýymen "DámDásTour" festıvali aıasynda ótip jatyr.
Festvaldi Shymkent qalasy ákiminiń birinshi orynbasary Qýanysh Asylov ashyp, qala turǵyndaryn Naýryz meıramymen quttyqtady.
— DámDásTour" festıvaliniń Naýryz merekesinde uıymdastyrylýynyń óz mán-maǵynasy bar. Bul bereke men birliktiń, tatýlyqtyń, molshylyq pen keńdiktiń úlgisi bolatynyna senimdimiz, - dedi Qýanysh Jumabekuly.
Munda qalamyzdyń tanymal 50-ge jýyq tamaqtaný oryndary — meıramhana, kofeınıa, samsahanalar, fast-fýd, balmuzdaq, shaıhanalar qatysyp, ózderiniń avtorlyq mázirlerin usynýda. Jármeńkeniń basty maqsaty – Shymkent qalasyn elimizdiń gastronomııalyq ortalyǵy retinde ımıdjin qalyptastyrý.
— " DámDásTour II" festıvalin – úshinshi megapolıstiń jyl saıynǵy DÁMDI merekesine aınaldyrý oıymyzda bar. Bul qalamyzdyń týrızmin damytýǵa oń septigin tıgizedi jáne bul qala kásipkerlerin qoldaý, - deıdi "Visit Shymkent"týrıstik aqparattyq ortalyǵynyń basshysy Erlan Omarov.
Aıta keteıik, is-shara eki kún ótedi. Eki kún boıy «Naýryzkóje«,«Káýap»,«Palaý» jáne «Samsa» nomınaııalary boıynsha 50-ge jýyq tamaqtaný oryndary arasynan úzdikterdiń ishinen naǵyz úzdikter anyqtalatyn bolady. Jeńimpazdar arnaıy baǵaly syılyqtarmen marapattalady. Sondaı-aq, kelgen qonaqtarǵa qalamyzda dástúrge aınalǵan «Shymkent sháıi» taratylady. Jármeńke aıasynda konerttik baǵdarlamalar, oıyn-saýyq jáne túrli konkýrstar oınatylyp, jeńimpazdarǵa sertıfıkattar usynylady.
