Nurshýaq shaǵynaýdany turǵyndary Naýryz merekesin toılaýdy bastap ketti. Saılaýda daýys berip, óz tańdaýyn jasap shyqqan nurshýaqtyqtar «Armysyń, áz Naýryz!» atty merelik is-sharaǵa belsendi túrde qatysty.
Turǵyndar dastarhanǵa qoıylǵan naýryzkójeden dám tatyp, balalar altabaqan tepti. Toıǵa kelgen jurtshylyq arqan tartysyp, qol kúresinen synǵa tústi. Ónerpazdardyń konerttik baǵdarlamasy toıdyń kórkin qyzdyrdy.
– Tań azanymen turyp, ýchaskelik saılaýǵa bardyq. Saılaý – mańyzdy shara. Bizdiń árqaısymyzdyń daýsymyz elimizdiń erteńin jarqyn bolashaqqa bastaıdy. Al jańa partııa, jańa kandıdattardan halyqtyń úmiti kóp. Elimizdiń órkendeýine úles qosatyn azamattar saılanyp, Otanymyzdyń abyroıy asqaqtaı bersin.
Shaǵynaýdan turǵyndary merekeniń ótýine de erekshe atsalysyp otyr. Bári biraýyzdan naýqanǵa qatysty, - deıdi aýyl belsendisi Zıbagúl Qosýaq.
