Shymkenttegi Qazyǵurt shaǵynaýdanyndaǵy №86 jalpy bilim beretin mektep ǵımaratyndaǵy №71 saılaý ýchaskesinde daýys berýshiler naýryz kójeden dám tatty. Merekelik dastarhannan dám tatqan turǵyndar saılaý naýqanyndaǵy bul bastamaǵa rızashylyǵyn bildirdi.
–Bul jolǵy saılaý naýqany Naýryz merekesine tuspa-tus kelip otyr. Mine, osyndaı qýanyshty, merekeli kúnde ózimiz senim artqan úmitkerlerge daýys berdik. Uıymdastyrýshylarǵa kóp raqmet. Esikten kirgen boıda jyly lebizimen qarsy alyp, naýryz kóje men baýyrsaq úlestirip, jaqsy kóńil-kúı syılap jatyr. Osy sátti paıdalanyp, barsha shymkenttikterdi Ulystyń uly kúnimen shyn júrekten quttyqtaımyn. Búgingi saılaýǵa belsendi túrde qatysýǵa shaqyramyn,-dedi Turan aýdanynyń bıi Jetpisbaı Jurymbaev.
Qaladaǵy №71 saılaý ýchaskesinde tań azannan beri daýys berýshiler belsendi qatysyp jatyr. Bul saılaý ýchaskesinde 2 125 turǵyn tirkelgen. Al júrip-turýy qıyn jandarǵa komıssııa músheleri ózderi barady. Olar úshin barlyq jaǵdaı jasalǵan. Qazirge deıin 3 saılaýshydan úıde daýys berý usynysy túsken.
