Äzırbaijannyŋ Qazaqstandaǧy Tötenşe jäne Ökılettı Elşısı Agalar Atamoglanovpen kezdestım. Kün tärtıbınde memleketter arasynda mädeniet, sport jäne turizm salalaryndaǧy özara yntymaqtastyq taqyryby boldy.
Äzırbaijanda qazaq mädenietınıŋ künderın ötkızu talqylandy. Biyl 25-28 säuır aralyǧynda Bakude bırqatar ıs-şarany, sonyŋ ışınde qazaqstandyq körnektı oryndauşylardyŋ gala-konsertın, Qūrmanǧazy atyndaǧy akademiialyq Qazaq ūlttyq aspaptar orkestrınıŋ konsertın, bızdıŋ sändık-qoldanbaly önerımızdıŋ körmesın jäne qazaqstandyq kino künderın ūiymdastyrǧymyz keledı. Memleket basşysy Äzırbaijanmen mädeni bailanystardy nyǧaitudy tapsyrdy, sondyqtan mūndai şaralar bolaşaqta tūraqty boluy tiıs.
Äzırbaijan jūrtşylyǧynyŋ qazaq önerıne degen qyzyǧuşylyǧy öte joǧary. Atamoglanov myrza Bakude «Tūran» etno-ansamblı men «Qazyna» ūlttyq bi ansamblınıŋ konsertterın ūiymdastyruǧa daiyn ekenın mälımdedı.
Sondai-aq, bırlesken kinematografiialyq jobalardy ıske asyru mümkındıgın talqyladyq. Ötken jyly Bakude bırneşe filmnıŋ körsetılımı öttı, endı bırlesken filmderdı tüsıru jäne kinoindustriia salasyndaǧy yntymaqtastyqtyŋ basqa da mümkındıkterın pysyqtaǧymyz keledı.
Sport salasy boiynşa da söilestık. Mysaly, bırlesken jarystar ötkızu jäne Äzırbaijan sportşylarynyŋ qazaqstandyq turnirlerge qatysuy jäne bızdıŋ sportşylardyŋ Äzırbaijanda ötetın jarystarǧa baruyn talqyladyq.
Ekı eldı ortaq jäne öte tyǧyz tarih bailanystyrady. Bız berık qarym-qatynasymyzdy odan ärı nyǧaitatyn bolamyz. Būl jūmystar mädeniet künderın ötkızumen şektelmeidı. Mysaly, biyl bız TÜRKSOIDYŊ qamqorlyǧymen bırneşe ıs-şara ötkızudı josparlap otyrmyz.
Ūqsas jaŋalyqtar
