TMD Bas hatşysynyŋ jaŋadan taǧaiyndalǧan orynbasary Däuren Abaevtyŋ töraǧalyǧymen Qylmysqa qarsy küres jönındegı 2024-2028 jyldarǧa arnalǧan bırlesken ıs-şaralardyŋ memleketaralyq baǧdarlamasynyŋ jobasyn bekıtu jönındegı saraptama tobynyŋ otyrysy öttı. Būl turaly TMD Atqaru komitetınıŋ baspasöz qyzmetı sälımdedı, dep habarlaidy “Adyrnv” ūlttyq portaly.
Kezdesu qorytyndysy boiynşa sarapşylar baǧdarlama jobasyn TMD memleket basşylary keŋesınıŋ kezektı otyrysynda qarauǧa şyǧaruǧa kelıstı.
Däuren Abaevtyŋ aituynşa, Memleketaralyq baǧdarlama jobasy TMD memleketterı men organdarynyŋ qylmysqa qarsy kürestegı yntymaqtastyǧyn jaqsartuǧa baǧyttalǧan.
Qūjatta transūlttyq qylmysqa qarsy küres boiynşa yntymaqtastyqty odan ärı damytu tetıkterı, TMD elderınıŋ modeldık zaŋnamasyn jetıldıru mäselelerı qarastyrylǧan.
"Jobada kelısılgen vedomstvoaralyq, jedel-profilaktikalyq ıs-şaralardy ötkızu, bırlesken oqu-jattyǧularǧa qatysu täjıribesın jalǧastyru, qylmysqa qarsy küres salasynda belsendı aqparat almasu mäselelerıne erekşe köŋıl bölıngen", - dedı Däuren Abaev.
Otyrysqa Äzerbaijan, Armeniia, Belarus, Qazaqstan, Qyrǧyzstan, Resei, Täjıkstan, Özbekstan, Işkı ıster ministrlerı keŋesı men TMD-ǧa müşe memleketter aumaǧynda ūiymdasqan qylmysqa jäne qylmystyŋ basqa da qauıptı türlerımen kürestı üilestıru biurosynyŋ, Dostastyq atqaru komitetınıŋ ökılderı qatysty. Keŋeske qatysuşylar qūjatty pysyqtap, saraptamalyq deŋgeide ony bekıtu räsımın aiaqtady.
Ūqsas jaŋalyqtar
