TMD Bas hatshysynyń jańadan taǵaıyndalǵan orynbasary Dáýren Abaevtyń tóraǵalyǵymen Qylmysqa qarsy kúres jónindegi 2024-2028 jyldarǵa arnalǵan birlesken is-sharalardyń memleketaralyq baǵdarlamasynyń jobasyn bekitý jónindegi saraptama tobynyń otyrysy ótti. Bul týraly TMD Atqarý komıtetiniń baspasóz qyzmeti sálimdedi, dep habarlaıdy “Adyrnv” ulttyq portaly.
Kezdesý qorytyndysy boıynsha sarapshylar baǵdarlama jobasyn TMD memleket basshylary keńesiniń kezekti otyrysynda qaraýǵa shyǵarýǵa kelisti.
Dáýren Abaevtyń aıtýynsha, Memleketaralyq baǵdarlama jobasy TMD memleketteri men organdarynyń qylmysqa qarsy kúrestegi yntymaqtastyǵyn jaqsartýǵa baǵyttalǵan.
Qujatta transulttyq qylmysqa qarsy kúres boıynsha yntymaqtastyqty odan ári damytý tetikteri, TMD elderiniń modeldik zańnamasyn jetildirý máseleleri qarastyrylǵan.
"Jobada kelisilgen vedomstvoaralyq, jedel-profılaktıkalyq is-sharalardy ótkizý, birlesken oqý-jattyǵýlarǵa qatysý tájirıbesin jalǵastyrý, qylmysqa qarsy kúres salasynda belsendi aqparat almasý máselelerine erekshe kóńil bólingen", - dedi Dáýren Abaev.
Otyrysqa Ázerbaıjan, Armenııa, Belarýs, Qazaqstan, Qyrǵyzstan, Reseı, Tájikstan, Ózbekstan, Ishki ister mınıstrleri keńesi men TMD-ǵa múshe memleketter aýmaǵynda uıymdasqan qylmysqa jáne qylmystyń basqa da qaýipti túrlerimen kúresti úılestirý bıýrosynyń, Dostastyq atqarý komıtetiniń ókilderi qatysty. Keńeske qatysýshylar qujatty pysyqtap, saraptamalyq deńgeıde ony bekitý rásimin aıaqtady.
