QR Parlamentı Mäjılısı deputaty, aqyn Qazybek İsa orys tılınde baiandamaǧa jasaǧan şeneunıkterge şüilıktı, dep habarlaidy “Adyrna” tılşısı.
Tıl janaşyry “Jüsıpbek Aimauytūlynyŋ “Orys tärbiesın alǧan bala ūlt qyzmetkerı bola almaidy”-degen ösietın Ükımetten bastap, elımızdegı barlyq mektepke jazyp qoiu kerektıgımen söz bastap, Ūlttyq ideologiianyŋ ahualyn, qazaq balalarynyŋ orys mektebıne baruyn qoldamaityndyǧyn, bılım beru tılıne qaramastan eldegı bar mektepte qoŋyraudyŋ ornyna Küi oinatudy engızu kerek” dep bırqatar ūsynystardy jetkızdı.
Tamyz aiynyŋ 24-25 künderı elımızdıŋ barlyq öŋırınde «ÄDILETTI QAZAQSTAN: ADAL ŪRPAQ, SAPALY BILIM, TABYSTY ŪLT» taqyrybyndaǧy bılım salasy qyzmetkerlerınıŋ respublikalyq tamyz keŋesı öttı. Jiyndy bastaǧan Oqu-aǧartu ministrı Ǧani Bektaev biylǧy keŋestıŋ erekşe formatta ötıp jatqanyn aitty. Kelelı jiynda ministr 2 tılde baiandama jasasa, vise-premer baiandamasyn orys tılınde jasaǧanyn eske salaiyq.
Oqu-aǧartu ministrlıgınıŋ ūlttyq müddenı negızge alǧan “Bırtūtas tärbie baǧdarlamasyn” qabyldaǧanyn quana qoldaǧan aqyn jelıdegı paraqşasyna:
“Ūlttyq tärbie Ūlttyq ideologiiasy bar elde ıske asady.
Al biylǧy Astanadaǧy jaǧdai – bırınşı synypqa barǧan 25 myŋ balanyŋ 40 paiyzy orys tılıne baruy, orys synyptarynyŋ basym bölıgı qazaq balalary boluy Täuelsızdıktıŋ 32 jylyndaǧy Ūlttyq ideologiianyŋ nöl ekenın körsetedı. Jaŋa özderıŋız kuä bolǧandai, Täuelsız el ükımetınıŋ ideologiialyq vise-premerı baiandamasyn Resei tılınde jasasa, qandai ūlttyq ideologiia?!.”-dep jazba qaldyrdy.
Ūqsas jaŋalyqtar
