Qaraǵandylyq segiz jasar oqýshy lapyldaǵan órtten qaryndasyn qalaı qutqaryp qalǵanyn aıtty. Páleket kesirinen júzi men qolyn kúıik shalǵan batyr bala bir jyldan keıin ǵana tilge kelip, órt jaıly aıta aldy. Jas batyrdyń atasy men ájesi órtke oranyp, balanyń janynda syz qaldy, dep habarlaıdy "Adyrna" ulttyq portaly.
Qaraǵandyda segiz jasar oqýshy Nurıden Amantaı janyp jatqan úıden eki jasar qaryndasyn qutqaryp qaldy. Olardyń úıi tolyǵymen otqa oranyp, balalardyń atasy men ájesi kúıikten qaıtys bolǵan. Nurıden órt aýzynan qaryndasyn arashalap qalǵan. Qazir úıi otqa oranǵan Nurıdenniń otbasy baspanaǵa muqtaj.
Bul týraly Qaraǵandy oblysy ákimdiginiń baspasóz qyzmeti habarlady.
Órt 2022 jylǵy jeltoqsan aıynda bolǵan. Balanyń qoly men betinen kúıgen. Nurıden órt jaıly endi ǵana aıta alady.
"Órt úıde men qaryndasym, atam jáne ájem bolǵan kezde bastaldy. Pesh turǵan kireberiste birdeńe jarylyp ketti. Biz ol ýaqytta as úıde tamaqtanyp otyrǵan edik. Atam men ájem dálizge ne bolǵanyn kórý úshin shyǵyp ketip, uzaq ýaqyt oralmady. Sodan keıin olardyń artynan baryp, peshtiń janynda bári janyp turǵanyn kórdim. Dálizden shyǵa almaıtynymdy túsindim. As úıge júgirip baryp, anama qońyraý shalyp, qaryndasymdy alyp, ony terezeniń aldyna kóterdim. Sodan keıin oǵan ózim kóterilip, Rabııamen birge sekirgýge daıyndaldym. Osy kezde kórshiler terezege qaraı júgirip keldi. Olarǵa qaryndasymdy berdim de, ózim shyqtym", – dedi Nurıden.
Balalardyń ata-ájesi syrtqa shyǵa alǵanymen, deneleriniń 40-60 paıyzyn kúıik shalǵan. Olar Nurıdenmen birge aýrýhanaǵa jatqyzyldy.
"Men kelgende úı lapyldap janyp jatty. Kúıeýimniń ata-anasyn jan saqtaý bólimine, Nurıdendi qarapaıym palataǵa jatqyzdy. Ókinishke qaraı, eki kúnnen keıin qaıyn atam qaıtys boldy. Taǵy eki aptadan keıin qaıyn enem qaıtys boldy. Qazir biz kúıeýimizdiń týystarynda eki bólmeli páterde turamyz. Olardyń bes balasy bar", – deıdi Nurıdenniń anasy Nadıra Aqyshova.
Nadıranyń jubaıymen birge tórt balasy bar. Órt kezinde 10 jasar uly men 13 jasar qyzy olar mektepte bolǵan. Qazir otbasy baspanaǵa muqtaj.
Jýyrda № 36 jalpy bilim beretin mekteptiń 3-synybynda oqıtyn Nurıdenge qalalyq bilim bóliminiń basshysy Esentaı Áshim qonaqqa keldi. Ol oqýshyǵa tótenshe jaǵdaıda kórsetken batyldyǵy men tabandylyǵy úshin alǵysyn bildirip, bilim bóliminiń qyzmetkerleri atynan velosıped syılady.
"Adyrna" ulttyq portaly
