2022 jyldyŋ mamyr aiynda özınıŋ tanysymen bırge Ombydaǧy äskeri komissariat ǧimaratyn tūtandyrǧyş qospanyŋ kömegımen örtep jıberdı dep aiyptalǧan Qazaqstan azamaty 13 jylǧa sottaldy. Būl turaly TASS agenttıgıne Resei Federaldyq qauıpsızdık qyzmetınıŋ Omby oblysyndaǧy resmi ökılı İrina Rusnak aitty, dep habarlaidy «Adyrna» tılşısı.
«1-şı Şyǧys audandyq äskeri sotynyŋ şeşımımen Aŋsaǧan Moldahmetov Resei Federasiiasy Qylmystyq kodeksınıŋ 205-babynyŋ 2-bölımınde közdelgen qylmysty jasaǧany üşın kınälı dep tanyldy, iaǧni aldyn ala söz bailasu arqyly özgelermen bırlesıp, ǧimaratty örtegen, būl mülıktık zalalǧa äkep soqtyrdy jäne ol 13 jylǧa bas bostandyǧynan aiyrylyp, jazasyn qataŋ rejimdegı koloniiada öteidı»,—delıngen habarlamada.Sot aiyptaluşynyŋ byltyr mamyrda «Telegram arqyly anonim qoldanuşydan 6 mln teŋgege äskeri komissariatty örteu turaly ūsynys alǧanyn» mälımdedı. Tapsyrmany oryndaǧannan keiın Aŋsaǧan Moldahmetov Cheliabinsk oblysynda «Qazaqstan aumaǧyna ötu kezınde» ūstaldy. Onyŋ serıktesıne memleketaralyq ızdeu jariialandy.
Ūqsas jaŋalyqtar
