"Stýdentter qyzyǵyp jatyr": Bolgarııanyń eń iri joǵary oqý ornynda qazaq tili oqytylady

2084
Adyrna.kz Telegram

Bolgarııanyń eń iri joǵary oqý ornynda qazaq tili oqytylady. Bul týraly QR Syrtqy ister mınıstrliginiń baspasóz qyzmeti habarlady, dep jazady "Adyrna" ulttyq portaly. 

"Joǵary bilim salasyndaǵy yntymaqtastyqty odan ári ilgeriletý maqsatynda Qazaqstannyń Bolgarııadaǵy Elshisi Vıktor Temirbaev Áýlıe Klement Ohrıdskı atyndaǵy Sofııa ýnıversıtetiniń rektory Anastas Gerdjıkovpen kezdesti. 2018 jyldyń qazan aıynda ál-Farabı atyndaǵy QazUÝ-men áriptestik kelisim negizinde qurylǵan ál-Farabı ǵylymı-bilim berý jáne mádenı ortalyǵynyń qabyrǵasynda qazaq tilin oqytý tájirıbesin odan ári ilgeriletýge áńgimelesýshilerdiń erekshe nazary aýdaryldy",- delingen habarlamada. 

Sonymen qatar, qazaqstandyq dıplomat ýnıversıtet basshylyǵyna jan-jaqty qoldaý kórsetkeni úshin alǵysyn bildirip, bolgar stýdentteri arasynda qazaq tilin úırenýge degen qyzyǵýshylyqtyń artyp kele jatqanyna jáne osy pándi «Túrkologııa» fakýltetiniń oqý josparyna engizgenine rızashylyǵyn bildirdi.  

"Adyrna" ulttyq portaly 

Pikirler