"Qantógiske deıin baramyz" - Jarkent azamattary ózge aımaqtan kelgen qazaqtarǵa ses kórsetip, úndeý joldady

2698
Adyrna.kz Telegram
Óz astaýyndaǵy nápaqany óz baýyrlaryna qımaǵan jarkenttik "jigitter" daý bastady. Olar qalaǵa kelgen ózge óńirdiń azamattaryna, óz baýyrlaryna, qoqan-loqy kórsetip, taksı qyzmetine jolamaýyn eskertti. "Jat jurttyqtar" kóligine jolaýshy otyrǵyzyp, alda-jalda aqsha taba qalsa, qyzmetiniń sońy qantógiske ulasýy múmkin ekendigin eskertti, dep habarlaıdy "Adyrna" ulttyq portaly. 
Taksı qyzmetimen kún kórip, jolaýshy tasyp júrgen jigitter óz astaýynan ózgege as tatyrǵysy kelmeıdi. Muny jýrnalıst Gúlmıra Ábiqaı habarlady:
Jarkettiń jigitteri jınalyp, áleýmettik jelige vıdeo úndeý jarııalady. Bul eskertýden góri ses kórsetýge kóp uqsaıdy. “Erteń bizdiń taksıge jarmassańdar qantógiske deıin barýy múmkin” degendi qalaı túsinemiz?
Sondaı-aq, Járkent vokzalynda da dúrbeleń. Ǵımarat mańynyń bári jeke kásipkerler ıeliginde. Temir jol bıletteriniń qunyn óz qalaýyndaǵy baǵamen aspandatqan deldaldar kesiri jolaýshylarǵa tııýde. Osyndaı bassyzdyqtardy baqylaıtyn jergilikti atqarýshy organ qaıda @panfilov_akimdigi barsyzdar ma?
Járkent - Jetisý oblysy, Panfılov aýdanynyń ortalyǵy. 50 myńnan asa turǵyny bar kóne shahar. Elimizdiń ońtústik-shyǵysynda Qytaımen shekaralas “Qorǵas” beketi osynda.
Jergilikti kóligi bardyń bári shekaradan árli-berli ótken saýdagerlerdi dittegen núktege jetkizetin taksı qyzmetin atqarady. Eshqaısynda resmı qujat joq. Járkentte basqa jumys ta joq, - dep jazdy jýrnalıst.
Zoraıyp, kúshine mingen jarkenttik júrgizýshi jigitterge qatysty jaıttyń mán-jaıyn anyqtaǵan Panfılov aýdany ákimdigi baspasóz hatshysy Nurbol Qanaǵatuly arnaıy málimdeme jasap, "keshirim suraǵan jigittiń" vıdeosyn jarııalady.
"Qazir Qorǵas beketinde adam qarasy kóp. Beri de ary da ótip jatqan júrginshi qandastar sany artýda. Sol sebepti Jarkent qalasynyń vokzal aýmaǵynda taksı qyzmeti júrip tur. Týystaryn ózderi kútip alǵaı kelgen syrttaǵy júrgizýshilerge jergilikti taksıster nanymyzǵa ortaqtasty dep narazylyq tanytqan. Tipti qan tógiledi dep artyq aıtqan bolatyn. Búgin aýdandyq polıııa bólimine júrgizýshi azamattardy shaqyryp, túsindirme jumystary júrgizildi. Jigitter aıbyn moıyndap keshirim vıdeosyn jarııalady", - dedi baspasóz hatshysy.
Keshirim suraǵan jigittiń aıtar ýáji mynandaı:
- Áleýmettik jelide emoıamyzǵa berilip, bir beınejazba jazyp edik. Durys túsinińizder, eshkimdi bólip-jaryp, eshkimge jol bermeımiz degen oıymyz joq. Biraq ózimizdiń oıymyzdy bildirgimiz kelgen. Osy meniń sózimdi Jarkettiń barlyq jigitteri qoldaıdy, - dedi aıypty azamat.
Degenmen, áleýmettik jelide oqıǵadan habardar bolǵan qoǵam belsendileri jigitterdiń yndynyna [qulqyna] qarap, kárine mindi. Qazaqtyń qazaqqa shaptyqqanyna yzalanǵannyń deni - jigtitter. Olar:
"Qantógis Qoldaımyz!
Keshirim Qoldaımyz!
Bir aýyzdan qoldaı beretin saılaýshylar sııaqty eken";
"Myqty bolsańdar, qazaqtyń taksılerine otyrmaıtyn uıǵyrlarǵa adam alalamaýdy úıretińder. Óz baýyrlaryńnyń jaǵasyna jarmaspaı";
"Reseıdiń taksı júıesi, búkil Qazaqstannyń transportyn jalmap otyr,oǵan birdeńe deı almaıdy.Óz qazaǵynan ózi qyzǵanyp júrgen nadandar";
"Keshirim surap qana ketpesin. Keshirim suraǵany shý kóbeıgesin jaı ǵana aıta salǵany. Oılarynan qaıtqan joq olar, taǵy da bilgenin isteıdi. Bular adam quqyǵyn buzýshy kósheniń bandıttary. Jigit emes mynalar, tonaýshy qylmysker jalmaýyzdar. 14 kún qamap, aıyp-pul salý kerek. Bir jerlerin qysyp júrsin, bolmasa qystyrý kerek zań boıynsha. Qaı zamanda, qaıda ómir súrip jatyrmyz.
Taksıden aqsha tappasa aıaǵy men qoly tartylyp qalǵan joq jumys istesin ońbaǵandar";
"Qan tógem degendi 14 kúnmen jabý kerek edi. Súmireıip turmaǵan túrin qarashy" dep jazyp jatyr.
"Adyrna" ulttyq portaly 
Pikirler