14 qarasha kúni Jetisý oblysyndaǵy 74261 áskerı bóliminde kapıtan Darhan Dáýlettiń máıiti tabylǵany jóninde habarlaǵan edik.
Marqumnyń týystarynyń aıtýynsha, 13 qarasha kúni túngi kezekshilikke ketken ol túngi bir shamasynda qaza tapqan. Áskerıler ofıerdiń ólimi týraly týystaryna tańǵy saǵat 7-de habarlaǵan.
Odan bólek, marqumdy jýyndyrǵan aǵasy onyń qatty soqqyǵa jyǵylǵanyn, qoldary men aıaqtarynda arqan izderi, bas súıeginde syzat baryn aıtady.
“Isti tergep jatqan quzyrly organdardan eń birinshi talap etetinimiz – ádildik. Baýyrymnyń, Darhannyń ólimine qatysy bar adamdar zań aldynda jaýap berýin suraımyz jáne talap etemiz. Búgin jerleýge joǵary shendi generaldar men depýtattar qatysty. Olar keshirim surady. General bul isti ádil tergep, oǵan qatysy barlardy jazalaıtynyna ýáde berdi. Biraq qandaı bap boıynsha is qozǵalyp jatqanyn bilmeımiz", – deıdi marqumnyń baýyry Ermek Musauly.
Aıta keteıik, qazaq áskerinde taǵy bir ofıerdiń kóz jumǵany habarlanǵan bolatyn.
