"Mark ýkerberg Qazaqstanǵa 3 mıllıard teńge salyq tóledi". Bul derekti ekonomıka sarapshysy, jýrnalıst Aıbar Oljaı naqtylady, dep jazdy "Adyrna" ulttyq portaly.
Qazaq ekonomıkasyna qatysty súbeli saraptamalarǵa júırik Aıbar Oljaı qazaqtyń qazynasyn molaıtyp, qorjynyn toltyryp jatqan ýkerbergti sóz etti:
- 2022 jyldyń qortyndysy boıynsha ǵalamdyq IT alpaýyttar Qazaqstan bıýdjetine salyq retinde 13,3 mıllıard teńge tóledi. Onyń 3 mıllıardyn Meta Platforms Ireland Limited berdi. Metaǵa Feısbýk pen Instagram kiredi. Onyń ishinde negizgi tabysty Instagram ákelip otyr. Sebebi, bizde orta jáne shaǵyn bıznes Instagram jarnamasyn kóbirek targetteıdi.
Gýgl Iýtýb jelisinen tapqan tabysymen bólisse, Apple Spotify men AppStore-den kelgen tabystan salyq aýdarǵan. Jalpy, bizdiń bıýdjetke 45 sheteldik IT-platforma salyq tólep otyr.
Sarapshylar, ýkerberg jáne onyń Sılıkon alqabyndaǵy áriptesterinen bizge túsetin salyq kólemi jyl saıyn 12-15 paıyzǵa artyp otyrady deıdi. Onda 2025 jyldary olardan túsetin kiris 20 mıllıard teńgeden asyp jyǵylýy tıis. Sonda bul bizdegi tabıǵı qazbalardy asap jep jatqan "Eski Qazaqstandyq" biraz kompanııanyń salyǵynan da kóp, - dep jazdy saraptamashy.
"Adyrna" ulttyq portaly
