Ulttyq medıa qaýymdastyǵynyń tóraǵasy Kemelbek Oıshybaev baspasóz kartasyn engizýdiń qandaı artyqshylyǵy bar ekenin aıtty, dep habaplaıdy “Adyrna” ulttyq portaly.
Mass-medıa týraly zań jobasy qoǵamda qyzý talqylanyp jatyr. Áleýmettik jelilerde kóptegen pikir men ustanym aıtylýda.
“Baspasóz kartasyna qatysty ártúrli túsindirmeler bar. Baspasóz kartasy - jýrnalısterdiń múddelerin qorǵaýǵa arnalǵan. Árıne, press-kartany alýdyń qajeti joq, biraq kim press-kartaǵa ıe bolsa, onyń erekshe mártebesi bolmaq. Bul birqatar múmkindikke jol ashady, onyń ishinde eldegi uıymdar, ásirese, memlekettik uıymdar qoljetimdi bolady. Bylaısha aıtqanda, jýrnalıster úshin belgili bir paıdasy bar. Bul kartany búkil jýrnalıster mindetti túrde alýdyń qajeti joq. Baspasóz kartasyn almaq-aq qyzmetin ózgelermen birge jalǵastyra alady. Alaıda, baspasóz kartasyn alý arqyly belgili bir múmkindikterge ıe bolady”, - dedi qaýymdastyq tóraǵasy.
Buǵan deıin Kemelbek Oıshybaev atalǵan zań jobasyna qatysty qyzý talqyǵa túsip jatqan birneshe másele baryn atap, zań jobasyna áli de túzetýler engizýge bolatynyn aıtqan bolatyn.
