Qazaqstanda «JASTAR ÚNI» jas kandıdattardy qoldaý blogy quryldy

2526
Adyrna.kz Telegram

Jýrnalıstter men belsendi jastar «Jastar úni» jas kandıdattardy qoldaý blogyn qurdy. Bul týraly búgin jýrnalıstter Erqanat Kópjasaruly, Aqbópe Táńirbergen, Nursultan Qurman jáne QR Parlamenti Májilisi depýtattyǵyna úmitkerler Iakov Fedorov pen Maqsat Halyq Qazaqstan baspasóz klýbynda ótken baspasóz májilisinde jarııa etti, dep habarlaıdy “Adyrna” ulttyq portaly.

Qazaqstan Ulttyq arnasy «Ashyq alań» saıası tok-shoýynyń júrgizýshisi Erqanat Kópjasaruly aıtýynsha «JASTAR ÚNI» jas kandıdattardy qoldaý blogynyń qataryna kez kelgen jas kandıdattardy qorǵaımyn, qoldaımyn, keńes beremin degen belsendi jastar kire alady:

«Bizdiń basty maqsatymyz - qoǵamda pikirin ashyq bildirip júrgen, óz mamandyǵynyń jiligin shaǵyp maıyn ishken, eldiń ishindegi problemalardan habardar ár salanyń belsendi jastaryn halyq arasyndaǵy qoldaýyna baılanysty Májilis pen barlyq deńgeıdegi máslıhattar saılaýyna qatysyp, baq synap kórýge shaqyrý», - deıdi ol.

«Eýrazııa» telearnasynyń jýrnalısi Aqbópe Táńirbergen óz jeke keısimen bólisip, jas depýtattar kóbeıse, májilistiń de uıqysy ashylar edi degen oı bildirdi:

«Men tilshi retinde aýyl-aımaqty aralap, problemasyn efırden kórsetkende, sol aýdannan shyqqan depýtattar «halyqtyń problemasyn shesheıik, mynandaı másele bar eken» dep nazar aýdarýdyń ornyna, ol aýyldyń ákimi jaqsy azamat dep, myna jýrnalstiki ne sumdyq, bizdiń aýyldyń jaman jaqtaryn ńǵana kórsetti dep shyǵatyn edi. Biraq sol aýylda týǵan jeriniń problemasyn shyryldap júrip kóteretin jastar bar. Olar oıyn da ashyq aıtady, saýatty. Osyndaı jastar qazir bir mandattyq júıe boıynsha saılaýǵa túsip jatyr eken olarǵa qoldaý kerek», - dep atap ótti

Al telejúrgizýshi, bloger Nursultan Qurman óz tarapynan jas kandıdattarǵa áleýemttik jelide qoldaý kórsetetini týraly aıtty:

«Men ózim barmasam da, sol salaǵa barǵysy kelip, elimizdegi zań salasynda ózgerister engizip, halyqqa paıdasy tıetin azamattardy qoldaǵym keledi. Sondyqtan da, turaqty jas kórermenderden turatyn aýdıtorııasy bar ıýtýb kanalymda «teledebat» uıymdastyryp, ár partııadan usynylyp jatqan jas kandıdattardy shaqyratyn bolamyn. Onyń barlyǵy tikeleı efırde ótedi. Ekinshiden, barlyq deńgeıdegi kandıdattarǵa podkast, ıntervıý retinde kómek kórsetetin bolamyn».

Tanymal bloger Iakov Fedorov qazaqstandyq jastarǵa qatysty stereotıpterge toqtaldy:

«Bizde qazaqstandyq jastar saıasatqa qyzyqpaıdy degen stereotıp bar, alaıda bul olaı emes. Buǵan deıin jastarda múmkindik pen tańdaý bolǵan joq. Al, qazirgi ýaqytta kez kelgen azamat ózin-ózi usyna alady. Eń bastysy – jastar ózgeris engizemin degen shyn nıetterimen bara jatyr», - dedi ol.

Ekonomıst, QR Parlamenti Májilisi depýtattyǵyna úmitker Maqsat Halyq partııalardan jasalyp jatqan qoldaýǵa toqtaldy:

«Shyny kerek, bizdi birde-bir partııa qoldap jatqan joq, «Amanat», «Aýyl», «Respýblıka» partııasy bolsyn. Sonyqtan da, qazirgi ýaqytta ózimizdi usynyp, bolashaqqa úles qosamyz degen nıet bar. Árıne, óńirlerde ádiletsizdik oryn alatyn shyǵar, biraq ózgeristerdi ózimiz jasap, qańtardan bastap aıtylyp kele jatqan «Jańa Qazaqstandy» birge qurý kerekpiz», - dep atap ótti.

Aıta keteıik,  «Jastar Úni» jas kandıdattardy qoldaý blogy – óz-ózin bir mandattyq júıemen usynǵandardy da, partııa atynan usynylyp otyrǵandardy da bólip-jarmaı qoldaýǵa daıyn. Bastysy 21-35 jas aralyǵyndaǵy jastar sanatyna jatatyn azamattar bolýy tıis. 













Pikirler