Halyqaralyq uıymdar qarjylandyratyn qoǵamdyq birlestikter Qazaqstanda ótetin saılaýǵa táýelsiz baıqaýshy retinde qatysa almaıdy.
Ádilet mınıstrligi zańǵa osyndaı ózgeris engizbek.
Vedomstvo ókilderiniń habarlaýynsha, mundaı sheshim sheteldikterdiń elimizdegi daýys berý proesine yqpal etpeýi úshin qabyldandy. Eger bul ózgeris qoldaý tapsa, akkredıtteýden saılaýmen burynnan aınalysyp keletin úkimettik emes uıymdar ǵana ótedi.
Aıta keterligi, qazir bul zań jobasy ashyq normatıvti-quqyqtyq aktiler portalynda qyzý talqylanyp jatyr.Oǵan 200-den astam usynys tústi. Baýyrjan Turǵanbaev, QR Ádilet mınıstrligi zańnama departamenti dırektorynyń m.a.:
- Saılaý proesine tek kásibı baıqaýshylar ǵana qatysýy kerek. Olar tıisti zańnamany jetik meńgerýi tıis. Óıtkeni olar búkil naýqannyń erejege saı ótkizilýin qamtamasyz etýge mindetti. Sheteldikter tarapynan bul proesti qarjylandyrýǵa nemese oǵan kedergi jasaýǵa zańmen tyıym salynǵan. Saıası partııalardyń quramynda da sheteldikter nemese azamattyǵy joqtar kirgizilmeıdi.
"Adyrna" ulttyq portaly
