Prezıdent saılaýy qarsańynda qoǵamdyq bastama negizinde el azamattary qurǵan «BAQYLA» qoǵamdyq qozǵalysy elimizde 2023 jyldyń 19 naýryzy kúni ótken QR Parlamenti Májilisi men maslıhattar saılaýynda elishilik turaqtylyq pen saılaý proedýralarynyń qatań saqtalýyn qamtamasyz etý úshin saılaý ýchaskelerin qamtıtyn óńirlik shtabtarda baqylaýshylyq jasady.
Aýmaqtyq baqylaýshylar jelisi jumysy Almaty qalasyndaǵy Ortalyq shtab pen elimizdiń 17 qalasynda ornalasqan óńirlik shtabtar arqyly júrgizildi.
Qoǵamdyq qozǵalys 2022 jylǵy kezekten tys prezıdent saılaýynda 27 qalada daýys berý barysyn qadaǵalaý jumysyn sátti atqarǵan bolatyn.
Al bıylǵy QR Parlamenti Májilisi men maslıhattar saılaýynda «BAQYLA» qoǵamdyq qozǵalysy saılaý proesin baqylaýǵa aralasyp, respýblıka boıynsha 25 qala men eldi-mekendi qamtı aldy. Sonymen qatar, 5 myńnan astam baqylaýshyny oqytty.
Saılaý kúni eldegi barlyq saılaý ýchaskesiniń 3 myńyn, ıaǵnı 30 paıyzyn qamtı aldyq dep aıta alamyz.
Osyǵan baılanysty 2023 jyldyń 20 naýryzy kúni Almaty qalasynda «BAQYLA» QQ bastamashylary arnaıy baspasóz jıynyn ótkizdi.
Ashat Qasenǵalı, saıasattanýshy:
Saılaý kúni 300-den astam zań buzýshylyq tirkeldi. Tańǵy 06:00-den bastalǵan saılaý proesi baqylaýshylarǵa oryn bermeý, daýys berý kabınkalaryna eki-úsh adamnan kirý, daýys sanaý barysyna qatystyrmaý jáne hattama bermeýge tyrysý sııaqty zańsyzdyqtar bolatyn. Baqylaýshylarǵa oryn bermeı, 100-ge jýyq baqylaýshy saılaýdy turyp baqylaýǵa májbúr boldy. Zań buzý faktileri jaıly aqparattar áli de jınaqtalýda. Bir mandatty júıemen túskenderge qatysty aqparattar kelýde. Eldegi aqparattyq dúmpý jaǵynan eń tartysty ótken, al daýys berýshiler jaǵynan antırekordtyń biri ornaǵan saılaýda táýelsiz baqylaýshylar óz mindetterin tıisti dárejede atqardy.
Maqsat Jaqaý, saıasattanýshy:
2023 jylǵy Parlament Májilisi men maslıhatyna bolǵan saılaý, barlyq úmit artqan bastamalarymen, bıliktiń byltyrǵy Joldaýda aıtylǵan ýádelerdiń is júzinde oryndala bastaýymen baılanysty. Saılaýǵa daýys berýshilerden góri kandıdattar men baqylaýshylar belsendi ári kóp qatysty. Bul saılaýda kópten beri bolmaǵan jeti saıası partııanyń qatysýyn baqyladyq. Bul sáıkesinshe, Prezıdent Qasym-Jomart Kemelulynyń Parlamentte pikirler alýandyǵyn jasaqtaıtyn kóppartııalyq júıe men jeke mandatpen keletin depýtattardyń kóptep bolýyna jaǵdaı týǵyzý qajettiligi edi. Atalǵan saıası ózgeristerdiń bastamasy júzege asyrylýda, buǵan keshegi saılaýlar kýá. Jalpy saılaýǵa kózi tórteý bolyp elimizde 90-100 myńǵa jýyq erikti táýelsiz baqylaýshylar saılaýdyń zańnyń aıasynda taza ári ádil ótýine atsalysty. Bul demokratııanyń jańa qarlyǵashtary, ádildik pen adaldyqtyń qorǵaýshylary hám qoldaýshylary dep qabyldaýymyz kerek. Osylaısha saılaýdan-saılaýǵa qadam basqan saıyn saıası mádenıettilik pen demokratııalyq ilgerileý bolady. Bul zańdylyq.
