Túrkııanyń Kahramanmarash qalasy, Elbıstan aýdanynda qutqarylǵan turǵynnyń sózderi jalpaq jurtty jylatty. Jer silkinisinen 123 saǵat ótkende úıindi astynan shyǵarylǵan jannyń esimi - Melısa. 23 jasar. Qutqarýshylar anasy ekeýin birge tapty. Anasy óli kúıinde, ózi tiri tabyldy.
Menısanyń qutqarýshylardy kóre sala aıtqan alǵashqy sózi áleýmettik jelide tarady, dep habarlaıdy “Adyrna” ulttyq portaly "CNN Turk" agenttigine silteme kórsete otyryp.
Oqıǵa bylaı bastalǵan:
Melısa anasymen erip, saýda dúkenine barǵan. Sol sátte jer silkinedi. Anasy men Melısany saýda dúkeniniń qabyrǵalary basyp qalǵan.
Ókinishke qaraı, anasy qyzynyń kózinshe, sol jerde, qabyrǵalar qulaǵanda ajal qushqan.
Jer tolqyǵanda qatty shoshynǵan 23 jasar Melısanyń kóńiligdegi aýyr derti kópshiliktiń kózine jas úıirdi. Ol qutqarýshy kelgen sátte:
- “Kúrteshemdi sizderge bere almaımyn. Qaltasynda telefonym bar. Ákem de, aǵam da bul jerde emes [Anasynyń súıegi janynda jatyr]. Anamnyń ólimin estirtý úshin ákem men aǵama qońyraý shalýym kerek, olardy anamnyń janazasyna shaqyrýym kerek, - dep jaýap beredi.
Onyń bul sózi kórermenderge qatty áser etti. Melısa ákesiniń nómirin bilmeıtindigin, esinde qalmaǵanyn da aıtady. Melısa tek janynda máıiti jatqan anasynyń janazasyn shyǵarýdy ǵana oılaǵan.
"Adyrna" ulttyq portaly
