Apatty jaǵdaıdy sábı kóńilimen uqpaı qalǵan balanyń vıdeosy álemdik aqparat keńistigin sharlap ketti. Buǵan qatysty bizdiń "Adyrna" ulttyq portaly da ún qosty.
Qutqarýshylar zilzala aımaǵynan aman alyp shyqqan sábıdiń kelbetine qarap otyryp aqıyq aqyn Muqaǵalı Maqataevtyń jyrlary oıǵa oralǵandaı:
Uqsaıdy bar tynyshtyq jer betinde,
Uıqydaǵy sábıdiń kelbetine.
Oıatý bylaı tursyn, ruqsat joq
Uıyqtap jatqan ulymdy terbetýge...
Jerdiń tolqyǵan sátin sábı kóńilimen sezbeı qalǵan bala - din-aman. Onyń appaq kóńilin apattyń, kóldeneń kelgen zilzalanyń shańdaýyty kirlete almaǵan sekildi. Vıdeony kórgen álem jurshylyǵynyń tileýi bir arnaǵa toǵysty. "Adamnyń, adamzattyń, jaqyndaryńnyń amandyǵy..."
- Qaıyrly tań! Batyrsyń! Ersiń! Qaharmansyń, balam, - dep jatyr qutqarýshylar.
Biz birgemiz, baýyrlas ult, Túrkııa!
"Adyrna" ulttyq portaly
