Teatr jäne kinorejisserı, kinodramaturg, Önertanu professory Talǧat Temenov qazırgı şūbar tıldı, sapasyz, ılıp alarlyǧy joq "arzanqol" qazaq kinosyn synǧa alyp, qalyŋ oqyrmanǧa oi saldy. Sauatty sūhbat "Almaty aqşamynda" jariialandy, dep habarlaidy "Adyrna" ūlttyq portaly.
“Mahabbat beketı”, “Köşpendıler” syndy tanymal filmderge rejiserlık etken Talǧat Temenov oimaqtai oi aityp, keler ūrpaqtyŋ sanasyn ulamauǧa şaqyrdy:
- İia.. qazaq kinosy talai-talai qiyn kezeŋderdı bastan keşırgen.. Alaida däl osy kezeŋ tym azapty, tym auyr şaq... Bügınde ekrandy tek arzanqol komediia jaulap alǧan. Yrjaŋ-tyrjaŋ akterlar. Taiaz körınıs, taqyr siujet, qytyqtap küldıru.. Qazaq kinosynyŋ atyn jamylǧan pysyqai şoumender endı aqşa tabudy osylai qolǧa alǧan. Abaidy jaqsy oqyǧan, toqyǧan, üirengen.. "Esek k... tın jusaŋ da, mal tabudy" meŋgergen mamandar... Özderı dän riza.. Körermen de mäz-meiram. Tek bızder ǧana jabyrqauly küidemız.. Ūrpaǧymyzdyŋ osyndai " ruhani " dünienı azyq etkenıne kabyrǧam qaiysady... Bıraq ony kımge aitarsyŋ... Osy tūrǧyda Mädeniet ministrlıgı men "Qazaqfilmdegı" mamandar bırıgıp ötken ketken zaŋdaǧy qatelıkterdı jöndegenı nūr üstıne nūr bolary haq. Eger de bız erteŋgı ūrpaǧymyz - bolaşaq qazaqstandyq jastarymyzdy, otansüigış patriot, aqyldy, sezımtal, bılımdı etıp tärbieleimız desek, eŋ aldymen ruhaniiatqa köŋıl bölınu kerek. Būl degenımız - eŋ aldymen Ädebiet, Mädeniet jäne Ǧylym... - dep jazdy tuma talant.Avtor öz sūhbatynda kinonyŋ qoǧamdy tärbieleudegı rölın sipattady. Arzan, jyltyraq, jel söz, qūr külkıge toly düniege qyzyǧatyn emes, naqty elge, ūltqa qyzmet etudıŋ qamyn jasaityn kez jetkenın habarlady.
- Ötken 30 jylda "aldymen - ekonomika, sosyn - saiasat" dep byljyraǧandardyŋ qasynda boldyq. Olarǧa ruhaniiat kerek emes edı. Mädenietten, önerden, ädebietten jūrdai tobyrdyŋ oiynda tek baiu boldy. Korrupsiia degenıŋızdıŋ özı - arsyzdyq, aşközdık, ūiatsyzdyq, toiymsyzdyq. Bız 30 jylda osyǧan kuä boldyq. Al, balany jastan baulu kerek deseŋız, ol tıkelei kinoǧa, iaǧni animasiia men balalarǧa arnalǧan filmderge bailanysty... Ötken ǧasyrdyŋ 30-şy jyldary älemde ülken ekonomikalyq küizelıs, daǧdarys boldy. Äsırese, Amerikada. Däl osyndai qiyn kezde Amerikanyŋ eŋsesın köteruge kino keldı. İä, kino qolyn sozdy. Qadırlı ideologtar! Qazaq elınıŋ erteŋın oilaityn orda būzar bauyrlar.. Bır sätke toqtap, oilanyp körıŋızderşı. Bızge eŋ aldymen Otanymyzdyŋ Täuelsızdıgı, halqymyzdyŋ auyzbırşılıgı, ekonimikamyzdyŋ örleuı, jastarymyzdyŋ bılımdı, mädeniettı, tärbielı bolǧany kerek deseŋız, osyǧan nazar audaryŋyzdar!.." Keşegı Mädeniet ministrlıgınde ötken otyrysqa Odaqtyŋ töraǧasy bolmasa kinonyŋ ışkı problemalaryn bıletın adamnyŋ qatyspauy da köŋılge küdık qaldyrǧany bar. Būny janaiqai dep ūqsaŋyz da bolady. Qazaq kinosy - halyqtyŋ mūrasy.. Al, mūraǧa mūqiiat bolar kez tudy dep oilaimyn.. Eger memleket qazır ūlttyq kinoǧa qolyn sozsa, kino da Elge, Memleketke, Ūltqa qyzmet etedı dep oilaimyn. Būl haq... -dedı Talǧat Temenov.
"Adyrna" ūlttyq portaly
Ūqsas jaŋalyqtar
