«Alumni NIS» qaǵıdattaryna aınalǵan OTANYŃDY SUI, ÄLEMDI ÖZGERT, ADAL BOL sózderi Nazarbaev Zııatkerlik mektepteri túlekteriniń Frankfýrt qalasyndaǵy Qazaqstan Respýblıkasynyń Bas konsýldyǵynda ótken kezdesýinde aıtyldy.
– NIS-tiń men úshin naǵyz áleýmettik lıftke aınalyp, úlken múmkindikter bergen meken ekenin maqtanyshpen aıtý úshin osyndaı tamasha sátti kúttim, – dep moıyndady Hochschule Rhein-Waal stýdenti Amına Baqtııarova: Men Óskemen qalasyndaǵy Zııatkerlik mektepke Shyǵys Qazaqstan oblysyndaǵy Qasym Qaısenov atyndaǵy qarapaıym aýyldyq mektepten tústim, aǵylshyn tili men hımııa páninen qıyndyqtar birden paıda boldy. Bir shet tilin meńgerýdiń azdyq etetinin túsinip, nemis tiline qyzyǵa bastadym, 12-synypta IELTS emtıhanynan 8.0 ball alyp, qatarynan birneshe ýnıversıtetke, sonyń ishinde Ekonomıka joǵary mektebine grantqa shaqyrtý aldym. Men Germanııadaǵy Reın-Vaal qoldanbaly ǵylymdar ýnıversıtetin tańdadym, Soltústik Reın-Vestfalııadaǵy Kleve qalasynda ornalasqan. Qazirgi ýaqytta bıoınjenerııa salasynda oqımyn, qazaqstandyq ǵylymda, sonyń ishinde farmaevtıkada ózimniń qoltańbamdy qaldyrýdy armandaımyn. Bos ýaqytymda shyǵarmashylyqpen aınalysyp, aǵylshyn tilinde óleńder jazamyn, eki kitap shyǵaryp ta úlgerdim. Aýylymdaǵy mektepte oqyp júrgen kezde shetelde bilim alyp, birneshe tildi jetik meńgeremin degen oı múlde bolmaǵan. NIS maǵan úlken múmkindikter syılady, Zııatkerlik mektepke túskennen keıin ózime degen senimim artyp, bizdiń basty qaǵıdattarymyzǵa aınalǵan «otan aldyndaǵy jaýapkershilik», «akademııalyq adaldyq», «qoǵamǵa qyzmet etý» uǵymdaryn boıyma sińirdim.
Amınanyń jetistigi – jarqyn, ılanymdy, este qalarlyq jáne ... barlyq NIS túlekterine tán. Nazarbaev Zııatkerlik mektepteri óz oqýshylaryna biregeı úmit pen múmkindik berdi. Kezdesý qatysýshylary Germanııadaǵy bıohımııa, ıfrlyq tehnologııa, mashına jasaý, ınjenerııa, logıstıka jáne ekologııa salalarynda mamandandyrylǵan úzdik ýnıversıtetterde bilim alýda.
Beıbarys Esengeldın eki jyl buryn Shymkenttegi fızıka-matematıka baǵytyndaǵy NIS-ti támamdady, mektep prezıdenti boldy, Frankfýrtqa Vengrııanyń Dor shaharynan keldi, Szent Istvan University-de oqıdy. Joǵary oqý ornynda Beıbarystyń jaratylystaný-matematıkalyq baǵyttaǵy akademııalyq daıyndyǵy ǵana emes, NIS-tiń jan-jaqty bilimi men mańyzdy adamı qabiletterge baýlıtyny tań qaldyrdy. Al Taldyqorǵandaǵy Zııatkerlik mektep túlegi, búginde Technische Hochschule Würzburg-Schweinfurt stýdenti Nazıra Ómirbekovaǵa ata-anasy osy kezdesýge barýǵa keńes bergen. Almatydaǵy fızıka-matematıka baǵytyndaǵy NIS túlekteri Elıkaı Atabaeva Mıýnhen tehnıkalyq ýnıversıtetinde, Ádııa Bekdáýletova Shvaınfýrt qoldanbaly ǵylymdar ýnıversıtetinde, Madına Qaraqulova Mıýnhendegi Lıýdvıg jáne Maksımılıan ýnıversıtetinde oqıdy. Krıstına Mýlıar Pavlodardaǵy NIS túlekteriniń alǵashqy legin tanystyrdy, búginde Gambýrgte jumys isteıdi, mekteptegi akademııalyq daıyndyǵynyń arqasynda ýnıversıtettegi zamandastarynan erekshelengenin moıyndady. Petropavldaǵy NIS-ten Angelına Bender Technische Universität Munchen-de ıfrlyq tehnologııalar salasyn meńgergen, búginde ol Germanııadaǵy eń iri saqtandyrý kompanııalarynyń birinde jumys isteıdi jáne súıikti mektebinen múmkindikter men úlken qoldaý alǵanyn jasyrmaıdy. Oraldaǵy NIS túlegi Danel Begalıev Brandenbýrg qalasynan keldi, ol Kotbýs-Zenftenberg tehnıkalyq ýnıversıtetinde qorshaǵan ortany basqarý mamandyǵy boıynsha oqıdy. Álıhan Nurdáýlet elordadaǵy fızıka-matematıka zııatkerlik mektebin bitirgen, Karlsruher Institut fur Technologie-de mashına jasaý mamandyǵynda bilim alýda.
Abdýllakım Zamırbek ýýlý kezdesýdiń kútpegen ári erekshe qonaǵyna aınaldy. Ol – bolashaq data-analıtık, The University of Messina-da bilim alýda. Bishkek halyqaralyq mektebiniń túlegi Abdýllakım Nazarbaev Zııatkerlik mektepteriniń túlekterine tán qasıetterdiń arqasynda tabysqa jetýdiń jolyn túsiný úshin Italııadan Frankfýrtqa arnaıy keldi. Eýropanyń ozyq ýnıversıtetteriniń úzdik stýdentteri Zııatkerlik mektepti támamdady, olar NIS baýyrlastyǵyn maqtan tutady, qıyn ýaqytta bir-birine qoldaý kórsetip, jeke oqıǵalarymen shabyttandyrýǵa árqashan daıyn.
– Zııatkerlik mektepter túlekteriniń basty artyqshylyǵy – akademııalyq jetistikter emes, adamı qasıetter, – dep moıyndady Abdýllakım.
Germanııanyń ár jerinde turyp, bilim alyp jatqan kezdesý qatysýshylary alǵash ret Frankfýrttegi Qazaqstan Respýblıkasynyń Bas konsýldyǵynda jınaldy. Dıplomattar tarapynan jasalǵan jaıly ári otbasylyq atmosfera, shynaıy dıalog pen dámdi dastarhan úılerinen jyraqta júrgen balalardyń kóńilinen shyqty.
– Búginde Germanııada bilim alyp jatqan árbir qazaqstandyq stýdent – óz eliniń ókiletti ókili, olar Abaı, Ahmet Baıtursynov, Álıhan Bókeıhanov, Mirjaqyp Dýlatov jáne qazaqtyń basqa da birtýar perzentteriniń rýhanı murasyn álemge tanytýda, – dep atap ótti Frankfýrt qalasyndaǵy Bas konsýl Taýboldy Úmbetbaev.
– Germanııadaǵy kezdesý jeltoqsan-qańtar aılarynda NIS túlekteriniń týǵan jerinde basyn qosqan birinshi «SAMGAU» forýmynyń zańdy jalǵasy, – dedi «Nazarbaev Zııatkerlik mektepteri» derbes bilim berý uıymynyń basqarma tóraıymy Kúlásh Shámshıdınova: Zııatkerlik mekteptiń árbir oqýshysy, muǵalimi, ata-anasy bizdiń túlekterimizdiń Qazaqstandy álemge laıyqty tanytyp, «Alumni NIS» qaǵıdalaryna aınalǵan «otandy súıý», «álemdi ózgertý», «naǵyz tulǵa» bolýdy nasıhattaıtynyn maqtan tutady.
