RF armııasyn Ýkraına shekarasyna jaqyndatyp kúsheıtip jatyr. The New York Times-tyń jazýy boıynsha osyǵan baılanysty AQSh ta óz áskerılerin №1 daıyndyqqa keltirgen. RF BAQ-tarynda Ýkraınaǵa mine-mine basyp kiremiz degen sııaqty habarlar "ýtka" retinde shań berip qalady.
Týra osyndaı jaǵdaı 2015-2017 jyldary oryn alǵan bolatyn. Onda da Ýkraınaǵa qarsy úlken soǵys áne bastalady, mine bastalady dep kútip júrgenimiz este qalypty. Biraq artynan soǵys ta, eshteńe de bola qoıǵan joq. Osylarǵa qarap otyryp mynadaı oı keledi - eshqandaı da basyp kirý bolmaıdy, oǵan RF-nyń júregi daýalamaıdy. Birinshiden, Ýkraına armııasy burynǵy armııa emes, anaǵurlym kúsheıgen. Ekinshiden RF-nyń ózi 2015 jylǵy RF emes, álsiregen, qarjy taýsylǵan, ızgoı elge aınalǵan. Biraq, árıne, Donbassta arandatý kúsheıedi. Kishi-girim urys qımyldary da bolyp qalýy ǵajap emes.
Endeshe bul ne? Jáı ǵana qoqan-loqqy, Ýkraınaǵa, Batysqa qyr kórsetý. Negizinen Baıdenniń jańa sankııa saıasatyna ne dep jaýap bererge bilmegendikten bar qoldarynan kelgeni osylaısha úreı týǵyzý bolsa kerek. Shyn soǵys bola qalsa Ýkraına esesin jibermeıtinin RF basshylyǵy bilip otyr. Biz úshin onyń osy Ýkraına baǵytynda urysqa kılikkeni kerek - onda ózi tas-talqan bolyp jeńiledi. NATO da qarap qalmaıdy, gıbrıdtik tásilmen biraz nusqaýshylary kelip kómek kórsetetin bolady. Atys qarýyn Ýkraınaǵa berý eselep kóbeıedi. Ondaı shyǵynǵa bara qoıatyndaı RF aqymaq emes shyǵar.
Al biz sııaqty elderge bul sııaqty qarý-jaraǵyn shoshańdatý qaýipti. Ýkraınaǵa tisi batpaǵannan keıin óshin basqa kórshilerinen alýy ábden múmkin, sebebi jyndydan bárin kútýge bolady, al olardyń arasynda deni saý adam joǵy belgili. Bizdiń basshylar bul jerde qandaı saıasat ustanady - ony kezinde kóretin bolamyz. Qazirgi jaǵdaı óte qaýipti - oq tıgen jaraly aıý óshin kimnen alaryn bilmeı alasurýda.
