«AMANAT» partııasynyń músheleri latıfýndısterden jerdi tárkileý proesin baqylaýda ustaıdy. Bul týraly «AMANAT» partııasy janyndaǵy Memlekettik basqarýdy damytý jáne sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń tóraǵasy Erlan Saırov málimdedi.
Ol qazirgi ýaqytta memleketke Bolat Nazarbaevtyń enshiles kompanııalaryna tıesili Mańǵystaý oblysynda 239 myń gektar, Jambyl oblysynda 60 myń gektar jer memleketke qaıtarylǵanyn atap ótti. Buǵan deıin Bas prokýratýramen birlesip júrgizilgen jumys barysynda Bolat Nazarbaevqa tıesili jalpy aýmaǵy 244 gektar bolatyn 59 jer telimi anyqtalǵan edi.
«AMANAT» partııasynyń Qoǵamdyq alań retinde árbir azamattyń enshisi bolyp tabylatyn ulttyq baılyqty memleketke qaıtarý basty mıssııasy dep bilemiz! «Barmaq basty, kóz qystymen» jymqyrylǵan halyq yryzdyǵyn qaıtarý jumysyn júıeli júrgizemiz. Mártebeli famılııaǵa, «burynǵy eńbegińizge», qaltańyzdyń qalyńdyǵyna qaramaımyz. Halyqtyń menshigine qol saldyńyz ba? Qaıtarasyz. Almaqtyń da salmaǵy bar jáne ol aýyr», - dedi Erlan Saırov.
Sondaı-aq, jıyn barysynda partııalyqtar Astana qalasy boıynsha sybaılas jemqorlyqqa qarsy is-qımyl jónindegi jumystyń jaı-kúıin jáne partııanyń saılaýaldy ýádelerin júzege asyrý jumysyn qarady.
Keńes músheleri sońǵy úsh jylda Astana qalasyndaǵy jergilikti atqarýshy organdardaǵy sybaılas jemqorlyqqa qarsy is-qımyl jónindegi jumysty taldady. Kórsetilgen kezeńde Sybaılas jemqorlyqqa qarsy qyzmet 203 sybaılas jemqorlyq qylmysty tirkedi. Olardyń negizgi bóligi paraqorlyq – 147, urlyq – 47 jáne laýazymdyq ókilettikterin asyra paıdalanýdyń 9 faktisi tirkeldi.
Keńes tóraǵasynyń orynbasary Ǵalym Baıtoq atap ótkendeı, jergilikti atqarýshy organdardyń sybaılas jemqorlyqqa qarsy is-qımyl jumysynda formalızm oryn alýda. Atap aıtqanda, elorda ákimdigi janyndaǵy sybaılas jemqorlyqqa qarsy is-qımyl jónindegi komıssııa 2021 jyly 1 otyrys qana ótkizse, al 2020 jyly birde-bir jıyn bolmaǵan.
«Elordadaǵy jergilikti atqarýshy organdardyń júktelgen mindetti oryndaý kezindegi jaýapkershiligi tómen ekenin atap ótý qajet. Astana qalasy boıynsha sybaılas jemqorlyqqa qarsy is-qımyl jáne memlekettik basqarýdy damytý jónindegi isterdiń jaı-kúıin zerdeleý barysynda Keńestiń jumys toby suratqan aqparatty Almaty aýdanynyń ákimdigi jáne qurylys basqarmasy múldem bermegen. Sondaı-aq, elordanyń aýdandyq ákimdikteriniń resmı saıtyn zerdeleý kezinde olardyń qajetti aqparatqa qol jetkizýdi qamtamasyz etpegeni anyqtaldy», - dedi Ǵalym Baıtoq.
Keńes tóraǵasynyń orynbasary jurtshylyqtyń shaǵymyn týdyryp otyrǵan elordadaǵy qurylys máselelerine jeke toqtaldy.
«Elordada beı-bereket qurylys jalǵasýda. Mysaly, Astana Mall SOO mańyna 15-ten astam turǵyn úı kesheni salyndy jáne birde-bir mektep joq. Bul ákimdiktiń áleýmettik nysandardy: balabaqshalardy, mektepterdi, emhanalardy salý proesin múldem qadaǵalamaı, úıler salýǵa ruqsat beretindigin aıǵaqtaıdy. Bul proess múldem rettelmegen, qajet jerge mektep salynbaǵan», - dep atap ótti ol.
Aıta ketý kerek, partııanyń «Ózgerister joly: Ár azamatqa laıyqty ómir!» saılaýaldy baǵdarlamasyn júzege asyrý aıasynda eki jyl ishinde Astanada 19 mektep, 2 dene shynyqtyrý-saýyqtyrý kesheni, 21 medıına nysany, 400 myń sharshy metrden astam kommerııalyq úı-jaı salyndy. Tek 2022 jyly 30 myńnan astam jumys orny ashyldy.
