Jýrnalıst Dýman Muhametkárimge Májiliske kandıdat bolýǵa ruqsat berilmedi. «Adyrna» ulttyq portaly Almaty oblysynyń aýmaqtyq saılaý komıssııasyna aqparattyq saýal joldap, sheshim sebepterin túsindirýdi surady.
Buǵan deıin BAQ-ta belsendiniń ótinishi Konstıtýııanyń 51-babynyń 4-tarmaǵyna sáıkes kelmeýine baılanysty qanaǵattandyrylmaǵany jazylǵan edi. Dýman Muhametkárim bul aqparatty joqqa shyǵardy.
«El aýmaǵynan ketpegenmin, shetelde turmadym»,—dedi ol.
Aýmaqtyq saılaý komıssııasy portalymyzǵa bergen jaýabynda jýrnalıstiń el ishinde 8 aı esh jerde tirkeýde turmaǵanyn málimdedi.
«Almaty oblysy polıııa departamenti kóshi-qon qyzmeti basqarmasynyń D.Muhammedkárimge qatysty jaýabyna sáıkes Qazaqstan Respýblıkasynyń aýmaǵynda sońǵy on jyl turýy turaqty tirkeýmen rastalmaıdy. Naqtyraq aıtatyn bolsaq, 2021 jyldyń 21 jeltoqsany men 2022 jylǵy 19 tamyz aralyǵynda D.Muhammedkárim el aýmaǵynda tirkelmegen.
Osyǵan baılanysty okrýgtik saılaý komıssııasy kandıdat D.Muhammedkárim boıynsha sońǵy on jylda Qazaqstan Respýblıkasynyń aýmaǵynda turaqty turý bóliginde Konstıtýııa talaptaryna sáıkestigi rastalmaıtyny týraly jalǵyz yqtımal sheshim qabyldaıdy.
Tirkeý joq bolǵan kezińdi azamattyń qaıda bolǵanyn anyqtaý da saılaý komıssııasynyń quzyretine jatpaıdy.
Sonymen qatar, sáıkessizdikti anyqtaý negizinde okrýgtik saılaý komıssııasy tirkeýden bas tartý týraly birden sheshim qabyldaǵan joq. Kandıdatqa sońǵy on jyl ishinde Qazaqstan aýmaǵynda turaqty turýyn dáleldeý múmkindigi usynyldy»,—dep túsindirdi № 12 okrýgtik saılaý komıssııanyń tóraıymy Ultýsyn Barhınova.
Sondaı-aq Saılaý komıssııasy belsendi sot arqyly el aýmaǵynda 10 jyl turaqty turǵanyn dáleldeıtin bolsa, sheshimdi qaıta qaraýǵa daıyn ekenin atap ótti.
