Soǵysqumar Pýtınniń Ýkraınaǵa qarsy agressııasyn qasıetti soǵys dep jarııalaǵan RF Bas múftıi TALǴAT TADJÝDDIN men Qazaqstandaǵy shıǵalyq sýfızmniń ıdeology ISMATÝLLA taqsyrdyń ózara dostyǵy neni bildiredi?
Naqtyraq aıtsam Ismatýlla taqsyr osydan birneshe aı buryn Reseı Bas Múftıi T.Tadjýddınniń arnaıy shaqyrýymen Reseıde bolyp «ádilettik ornatý úshin jer betine Mahdı shyqty, qazir ol Reseıdiń Sibirinde júr» dep ashyq málimdeme jasady..
Aıtpaqshy sopy-zikirshiler ózderin Mahdıdiń (Mahdı-Pýtın) sarbazy-áskerimiz deıdi.
MAHDI, ıaǵnı Mádi - shııtter úshin joǵalyp ketken on ekinshi ǵaıyp ımam. Umytpasam osydan birneshe jyl buryn teokratııalyq Irannyń negizin qalaǵan S.R.Homeınıdiń shákirti, qazirgi shııterdiń eń joǵarǵy dinı jetekshisi Seıd Álı Hameneıdiń Gúlistan provınııasyndaǵy ókili Hám jan dosy Saıd Kazım Nýr Mýfıdı- qazaqstandyq Ismatýlla bastaǵan zikirshi-sopylardyń delegaııasyn resmı túrde qabyldaǵan-dy.
Osy jáne basqa da shıızmge qatysty jobalar ısmatýllashy sopylardy Iranmen baılanystyrady. Al Irannyń álemdik saıasatta Reseımen múddelestigin eskersek, «sopylyq-shııttik joba» Máskeý arqyly júrgizilip jatyr ma?» degen pikir qylań beredi.
Eń soraqysy keshe ǵana Ismatýlla taqsyrdyń serigi jáne QMDB janyndaǵy sarapshylar keńesiniń ókili Zikirııa Jandarbek feısbýkte qanisher Pýtınniń táýelsiz Ýkraınaǵa soǵysyn ashyq túrde tolyqtaı qorǵap, “eger Reseıdi qoldasań - Allanyń jaǵyndasyń, al qarsy shyqsań - Allanyń qaharyna ushyraısyń” degen jazba qaldyrdy.
Menińshe, bul jazbada qazaqtardy qarǵys atqyr jaýyz Pýtınniń Ýkraınaǵa qarsy agressııalyq soǵysyna úndeıtin mátinder jetip artylady.
Aıtyńyzdarshy, qanisher Pýtınniń ımpershil, ıaǵnı azat Ýkraınaǵa qarsy agressııasyn is júzinde qoldaǵan nemese soǵan ishteı tilektes bolǵan Zikirııa Jandarbek sııaqtylardyń sózi hám rıtorıkasy Sırııadaǵy IGIL jáne Aýǵanystan-Vazırıstandaǵy "Talıban" sekildi ekstremıstik toptardyń quramynda soǵysqan terrorısterden qandaı aıyrmashylyǵy bar?!
Atap aıtqanda, sanasy ortaǵasyrlyq ıdeıamen ýlanǵan sáláfı qazaqtar Sırııadaǵy "IGIL"-dyń bas terrorısi Ábý Bákir Baǵdadıdiń ámirine oraı Alla úshin janyn berip, álemde "Islam halıfatyn" ornatqysy keldi, al Ramzan Qadyrov bastaǵan Kavkaz sopylary Pýtın (Mahdı) úshin beıbit Ýkraına halqyn qyryp, Reseıdiń "orys álemi" deıtin ımpershil saıasatyn iske asyrýda.
Al Zikirııa Jandarbek sııaqty ısmatýllashy sopylar dıktator Pýtınniń terrorıstik is-áreketin jan-jaqty qoldap, álemjeli arqyly qazaq qoǵamyna dinı-saıası propaganda jasap jatyr.
Sondyqtan da, QR quzyrly organdarynan Qylmystyq Kodekstiń 161-baby, ıaǵnı basqynshylyq soǵysty tutandyrýǵa nasıhat júrgizý nemese jarııa túrde qoldaý kórsetý boıynsha Zikirııa Jandarbektiń sózderine quqyqtyq baǵa berýdi suraımyn!
Turarbek QUSAIYNOV
