Isi qazaqqa esim-soıy erekshe tanys Tuńǵyshbaı Jamanqulovty bilesizder ǵoı... 2017jyly kınoǵa bólingen qarjyny jep qoıǵandarmen qatysy bolyp shyǵyp, sot shartty jaza kesken, ol kisige.
Sot bolarǵa deıin Tuńǵyshbaı Jamanqulov óziniń bul iske shatylýyna mınıstr Muhamedıulynyń qatysy baryn aıtyp, jurt aldynda sóılegen. Tipti, Prezıdentke de birneshe márte qaıryla sóılep, ózine arasha túsýin ótingen edi.
«Fenıks» fılmin túsirýge memleketten bólingen qarjyny jymqyrýǵa qatysty aıyptalǵan toǵyz adamǵa úkim shyqty. Sottalýshylar túgeldeı aıypty dep tanylyp, bárine shartty jaza kesildi. Negizgi aıyptalýshylardyń biri, osyǵan deıin Qazaqstan prezıdenti Nursultan Nazarbaev birneshe ret kómek suraǵan akter Tuńǵyshbaı Jamanqulov sot zalynan shyqqannan keıin «prezıdentke ókpeli» ekenin aıtty.
«Arnaıy úndeý jasaǵan Prezıdentime úlken inisi retinde ókpelimin. Arasha túspegenine ókpelimin. Prezıdentimizdiń qasynda júrgen keıbir qaskóılerdiń bolǵanyna ókpelimin. Prezıdentimizdiń aq adal sengishtigin paıdalanyp, qasynda júrgenderdiń ol kisini kóp nárse jaıynda basqa pikir qalyptastyryp júrgenine ashýlanam. Sondyqtan da men úkimdi qabyldamaımyn.
Men Elbasyma da kirip shyǵýǵa tyrysamyn, eger qabyldasa. Osy jaǵdaıdy aıtyp shyǵamyn. Buryn qazaqı ádeptilikpenen, qazaqı tárbıelilikpen, inilikpen, kishilikpen kóp nárseni aıtpaı, ol kisiniń kóńilin buzbaý úshin aýzymdy tartyp, tilimdi baılap júrgen edim. Endi men neden qorqam?..», degen edi Tuńǵyshbaı Jamanqulov, sot úkimi oqylǵannan keıin.
Halyq artısiniń bul sózderi buqaralyq aqparat quraldarynda ashyq jarııa boldy. Keńinen tarady.
Jaqynda Qazaqstannyń halyq artısi Tuńǵyshbaı Jamanqulovtyń Elbasyna úshbý hat jazyp, artyq aýyz sóılep qoıǵany úshin keshirim suraǵany belgili boldy.
Asa qurmetti Prezıdent myrza!
Qymbatty Nursultan Ábishuly!
Qadirli Nur-aǵa!
Qolyma qalam aldyryp, Sizge osy hatty jazýyma májbúrlegen birinshi sebep – ol Sizge degen erekshe yqylasym men adal nıetim. Sonan soń, sońǵy kezderdegi áleýmettik jelilerde shýlap ketken oqıǵaǵa degen teris jáne kelispeýshilik kózqarasym.
Mınıstr A.Muhamedıulymen aramyzdaǵy jumys barysynda týǵan aıtystarymyzdyń qoǵamda etek alyp, ony keıbir teris pıǵyldy oppozıııa ókilderiniń ýshyqtyryp jatqanyna qatty ókine otyryp, meni Sizdiń aldyńyzda uıatqa qaldyrǵanyna jer bolyp otyrmyn.
Osy bir yńǵaısyz jaıtqa baılanysty, aldyńyzda basymdy ıip, Ózińizden keshirim suraımyn. Menen úlken aǵattyq ketti, tap osylaı bolady dep oılamappyn.
Elime, Ózińizge degen izgi, taza nıetimniń jumys barysyndaǵy túsinispeýshilikke boı urǵanyna qapalymyn. Mınıstr ekeýimiz uǵynysarmyz, isker jigit qoı.
Tek Siz meıirimdilik jasap, maǵan ókpe artpaýyńyzdy ótinip suraımyn.
Meni keshirińiz, aǵa!!
Sizdi qurmetteýshi inińiz Tuńǵyshbaı Jamanqulov
Áset Qýandyqov
P.S. Redakııamyzdyń poshtasyna beımálim oqyrmannan osyndaı hat kelip tústi. "Adyrna" ulttyq portaly beıtarap pozıııa ustanatynyn, avtordyń pikiri redakııa kózqarasyn bildirmeıtinin taǵy da eskerte kelip, qarsy taraptyń aıtar pikirin de jarııalaýǵa daıynbyz.
Bul hat shyn máninde Tuńǵyshbaı Jamanqulovqa tıesili me, álde arandatýshy adamdardyń kezekti aıla-sharǵysy ma? Onyń aq-qarasyn aldaǵy ýaqta Tuńǵyshbaı Jamanqulovtyń ózinen surap biletin bolamyz.
Qurmetpen Sizdiń "Adyrnańyz"
