QR Úkimetiniń qaýlysymen Qanat Jumabaıuly Ysqaqov Qazaqstan Respýblıkasy aqparat jáne qoǵamdyq damý vıe-mınıstri qyzmetine taǵaıyndaldy. Bul týraly QR Premer-Mınıstriniń Baspasóz qyzmeti habarlaıdy, dep jazdy "Adyrna" ulttyq portaly.
Qanat Jumabaıuly Ysqaqov 1982 jyly Shymkent qalasynda týǵan.
Ál-Farabı atyndaǵy Qazaq ulttyq ýnıversıtetin, M.V. Lomonosov atyndaǵy Máskeý memlekettik ýnıversıtetin bitirgen.
Eńbek jolyn 2005 jyly Almaty q. Memlekettik jastar saıasatyn damytý qorynyń jetekshi mamany retinde bastaǵan.
Ár jyldary ártúrli memlekettik qurylymdarda, sonyń ishinde QR Parlamenti Májilisinde, QR Prezıdenti Ákimshiligi Memlekettik hatshysynyń hatshylyǵynda, QR Prezıdenti Ákimshiligi Strategııalyq ázirlemeler jáne taldaý ortalyǵynda jumys istegen.
2012-2021 jyldary QR Prezıdenti Ákimshiligi Baspasóz qyzmetiniń sektor meńgerýshisi qyzmetin atqarǵan.
2021 jyldan bastap qazirgi ýaqytqa deıin – QR Aqparat jáne qoǵamdyq damý mınıstrligi Aqparat komıtetiniń tóraǵasy.
"Adyrna" ulttyq portaly
