"Júrekten ketken": Senator Kárimovanyń neden qaıtys bolǵany anyqtaldy

2405
Adyrna.kz Telegram
Cenator Gúlmıra Kárimovanyń ólimine qatysty sot-medıınalyq saraptamanyń aldyn ala qorytyndysy jarııalandy, dep habarlaıdy "Adyrna" ulttyq portaly.

27 qańtar kúni 45 jasqa qaraǵan shaǵynda jańadan saılanǵan senator Gúlmıra Kárimovanyń kenetten dúnıeden ozdy. Aldyn ala qoıylǵan dıagnoz - anafılaktıkalyq shok edi. Buǵan qatysty naqty derekterdi Astana qalasy, Qoǵamdyq densaýlyq saqtaý basqarmasy jarııalady.

- "Sot-saraptamalyq zertteýdiń aldyn-ala nátıjeleri boıynsha naýqas óliminiń tikeleı sebebi - jedel mıokard ınfarktisi bolyp tabylady. Anafılaktıkalyq shok yqtımaldylyǵy týraly kúdik rastalmady. Sondaı-aq, jedel járdem brıgadasy oqıǵa ornyna der kezinde jetkenin ataı ketkimiz keledi, bul 5 mınýt ýaqytty aldy. Brıgada oqıǵa ornyna jetkende, ókinishke oraı, naýqas ómir belgilerin tanytpady. Iaǵnı, es-túsin joǵaltqan, tamyr soǵysy bilinbegen, tynysy bolmaǵan. Soǵan qaramastan, reanımaııalyq is-sharalar ótkizildi, biraq odan nátıje bolmady. Marqumnyń týǵandary men jaqyndaryna shyn júrekten kóńil aıtamyz", - dep habarlady Astana qalasy Qoǵamdyq densaýlyq saqtaý basqarmasy.

Gúlmıra Kárimova qysqa ǵumyrynda ustazdyqty serik etti. Onyń jarqyn beınesi árdaıym shákirtteriniń jadynda saqtalady.

"Adyrna" ulttyq portaly

Pikirler