Cenator Gülmira Kärımovanyŋ ölımıne qatysty sot-medisinalyq saraptamanyŋ aldyn ala qorytyndysy jariialandy, dep habarlaidy "Adyrna" ūlttyq portaly.
27 qaŋtar künı 45 jasqa qaraǧan şaǧynda jaŋadan sailanǧan senator Gülmira Kärımovanyŋ kenetten dünieden ozdy. Aldyn ala qoiylǧan diagnoz - anafilaktikalyq şok edı. Būǧan qatysty naqty derekterdı Astana qalasy, Qoǧamdyq densaulyq saqtau basqarmasy jariialady.
- "Sot-saraptamalyq zertteudıŋ aldyn-ala nätijelerı boiynşa nauqas ölımınıŋ tıkelei sebebı - jedel miokard infarktısı bolyp tabylady. Anafilaktikalyq şok yqtimaldylyǧy turaly küdık rastalmady. Sondai-aq, jedel järdem brigadasy oqiǧa ornyna der kezınde jetkenın atai ketkımız keledı, būl 5 minut uaqytty aldy. Brigada oqiǧa ornyna jetkende, ökınışke orai, nauqas ömır belgılerın tanytpady. Iаǧni, es-tüsın joǧaltqan, tamyr soǧysy bılınbegen, tynysy bolmaǧan. Soǧan qaramastan, reanimasiialyq ıs-şaralar ötkızıldı, bıraq odan nätije bolmady. Marqūmnyŋ tuǧandary men jaqyndaryna şyn jürekten köŋıl aitamyz", - dep habarlady Astana qalasy Qoǧamdyq densaulyq saqtau basqarmasy.Gülmira Kärımova qysqa ǧūmyrynda ūstazdyqty serık ettı. Onyŋ jarqyn beinesı ärdaiym şäkırtterınıŋ jadynda saqtalady.
"Adyrna" ūlttyq portaly
Ūqsas jaŋalyqtar
