Reseidıŋ federaldy qauıpsızdık qyzmetı Sahalin aimaǧyndaǧy şekarany kesıp ötpek bolǧan reseilık tūrǧyndy tūtqyndady. Oǧan Ukraina müddesı jolynda ūrysqa attanyp, "memleketke satqyndyq jasady" degen aiyp taǧyldy, dep habarlaidy "Adyrna" ūlttyq portaly.
Aimaqtaǧy şekara qyzmetı mamandarynyŋ habarlauynşa, Sahalindegı şekaradan ötpek bolǧan reseilık azamat "memleketke satqyndyq" jasauǧa bekıngen. Tergeu barysynda Resei tūrǧynynyŋ Ukraina jaǧyna şyǧyp, basqynşylarǧa qarsy soǧysqa attanudy maqsat etkenı habarlanady.
"Resei Federasiiasynyŋ Sahalin oblysy boiynşa şekara qyzmetkerlerı UFSB-men bırlese otyryp Ukraina aumaǧyna ötpek bolǧan azamatty ūstady. Ol Resei Federasiiasy qaruly küşterıne qarsy soǧys qimyldaryna qatysu üşın ukrain äskerınıŋ qataryna qosylǧysy kelgen", — dep habarlaidy FSB.Sonymen qatar, şekara qyzmetı "otanyna opasyzdyq jasauǧa" oqtalǧan reseilıktıŋ tranzit ädısımen üşınşı bır elge şyǧyp, Ukraina topyraǧyna tūiaq ılıktırmek bolǧanyn mälımdedı. Ony tūtqyndau barysyn baiandaityn videoda ūşaq talonynyŋ bolǧany da körsetıledı.
"Adyrna" ūlttyq portaly
Ūqsas jaŋalyqtar
