Atyrauda şeteldegı soǧys qimyldaryna qatysqan er adamǧa ükım şyqty, dep habarlaidy "Adyrna" ūlttyq portaly Kazinform-ǧa sılteme jasap.
Atyrau qalasynyŋ №2 soty jergılıktı tūrǧyndy Qylmystyq kodekstıŋ 172-baby ("Şet memlekettıŋ aumaǧyndaǧy qaruly qaqtyǧystarǧa qatysu") boiynşa 5 jylǧa bas bostandyǧynan aiyrdy.
Tergeu derekterıne säikes, Reseide eŋbek etıp jürgen kezınde er adam kelısımşartqa otyryp, RF qaruly küşterı qūramynda Ukraina aumaǧyndaǧy soǧys qimyldaryna qatysqan. Bır atys kezınde ol oq-därı jarqynşaǧynan jaralanǧan.
Qūqyq qorǧau organdary şet eldegı qaruly qaqtyǧystarǧa qatysu üşın 9 jylǧa deiın bas bostandyǧynan aiyru jazasy qarastyrylǧanyn, al jaldamalylyq üşın 20 jylǧa deiın jaza taǧaiyndalatynyn eske saldy.
Sondai-aq, qazaqstandyqtardy soǧysqa qatysuǧa ügıtteu faktılerı boiynşa IIM men ŪQK tekseru jürgızıp jatqany aityldy.
Būǧan deiın 2022 jyldan berı şeteldegı soǧys qimyldaryna qatysqany üşın Qazaqstanda 97 qylmystyq ıs qozǧalǧany habarlanǧan edı.
