2025 jylǵa deıin bakalavrdaǵy grant sanyn 75 myńǵa deıin kóbeıtý josparlanyp otyr. Sonymen qatar, ár jyl saıyn 10 myń grant qosylady. Bul týraly OKQ-de ótken brıfıngte Ǵylym jáne Joǵary bilim mınıstrliginiń ókilderi málimdedi, dep habarlaıdy “Adyrna” ulttyq portaly.
“Jyl saıyn granttardyń sany kóbeıip kele jatyr. Byltyr 10 myń grant qosyldy. Bıyl da sol grant saqtalady. Ótken oqý jylynda q88 myńnan astam grant berildi. Endi 2025 jylǵa deıin bakalavrdaǵy granttardyń sanyn 75 myńǵa deıin kóbeıtý qarastyrylǵan. Maqsatymyz joǵary bilimge memleket tarapynan bólinetin grantqa qatysty múmkindikti paıdalanyp talapkerlerdi kóbirek qamtý”, - dep atap ótti Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti tóraǵasynyń m.a. Baný Narbekova.
Mınıstrlik ókiliniń aıtýynsha, Qazaqstanda stýdentterdiń 60 paıyzy aqyly bólimde oqıdy.
“Aqyly bólimde oqıtyn stýdentter qajetti upaıdy ala almaıdy. Ol granttyń jetispeýshiligine baılanysty emes, túlekterdiń oqý jetistiginiń tómendigine baılanysty. Ulttyq ýnıversıtetterge oqýǵa túsýi úshin 70 upaıdan kem almaýy qajet. Al, pedagogıkalyq mamandyqtarǵa oqýǵa túsý úshin 75 upaıdan joǵary bolýy kerek. Biz ýnıversıtetterge jyl saıyn aqyly oqý somasy
Sondaı-aq, ol oqýǵa túse almaǵan jaǵdaıda stýdentterge arnalǵan múmkindikterdi de atady.
“Eger tómen ball alatyn túlekterdiń oqýǵa túsýge múmkindigi bolmasa, belgili bir paıyzyn memleket tarapynan kómek retinde alady. Al qalǵan 50, 70 paıyzdy jeńildetilgen túrde nesıe alýyna bolady. Ol nesıeni oqý bitirip, jumys isteı bastaǵannan keıin qaıtara bastaıdy. Jalpy byltyr bakalavrıatta 71 myń grant bólindi.
Magıstratýra, doktarantýra, rezıdentýrany eseptegende barlyǵy 88 myń grant boldy. Osy úsh deńgeıdi eseptegende bıyl 90 myńdaı grant bólinedi”, - dedi Joǵary jáne joǵary oqý ornynan keıingi bilim komıteti tóraǵasynyń m.a. Baný Narbekova OKQ-de ótken brıfıngte.
