Zertteý jumystaryn júrgizýde nege mán berýimiz kerek?

4396
Adyrna.kz Telegram

Zertteý jumystaryn júrgizýde zertteý taqyrybyna mán berýimiz qajet. Zertteý taqyrybynan aýytqý ne bolmasa taqyryp aıasynan syrt, sol taqyrypqa saı keledi dep ústemelep derekter qosa berý sizdiń zertteýińizge degen ekspertter men reenzentterdiń baǵasyn tómendetýi múmkin.

Zertteý taqyrybynan sál de bolsa aýytqý eki jaǵdaıda bolýy múmkin. Birinshisi: zertteýshi sol taqyrypqa ári tereń boılap ene almaǵanda; ekinshisi: zertteý maqalanyń kólemin toltyrý úshin. Birinshi jaǵdaıda baıqap otyrǵanymyzdaı, maqala kólemdi, ári zertteý taqyrybyna baılanysty jınaǵan materıaldaryńyz jetkilikti bolýy shart. Mysaly, sońǵy alty aıda bir maqala jazý barysynda 229 ádebıetti aqtaryp, birneshe arhıvtiń derekterin negizge alýǵa tyrystyq. Nátıjesinde taǵy da óńdeı túsetin tustary tabylyp, osy salada talaı jyl ter tógip júrgen ǵalym aǵalardyń keńesimen izdegen derekterdi taýyp, qazir qorytyndysyn jazý ústindemiz. Al derekter osylaı egjeı-tegjeıli jazylmasa, onda maqalańyz óz maqsatyn ashyp bere almaýy múmkin. Ekinshi jaǵdaıda, maqala kólemin toltyrý qandaı jaǵdaıda oryn alýy múmkin: árbir jýrnaldyń óziniń rásimdelý talaptaryna baılanysty, talap etetin stılderi bar; mysaly, basqasyna toqtalmaı-aq qoıalyq, jaı ǵana ARA stıline salý barysynda 17 bet maqalańyz, kólemi 7-8 betten aspaı qalady, ol kezde sol taqyrypqa sáıkes zertteý pikirlerin qosý, taqyrypqa saı talqylaý bólimin ulǵaıtýǵa keledi. Osyndaı tolyqtyrýlar kezinde maqala bastapqy kóleminen de, mazmuny jaǵynan aýytqıdy da, halyqaralyq ekspertten ótpeıtin jaǵdaı kezdesedi.

Kelesi másele: zertteý ádisteri bólimi. Osy ýaqytqa deıingi tájirıbemiz kórsetkendeı, bul bólimde kórsetilgen ádister naqty taldanýy tıis. Mysaly, Delve kómegimen siz derekterdi qalaı taldaısyz, ony zertteý maqsatyńyzda qalaı túsindiresiz, zertteý taqyrybyńyzdy kodtaýdy qalaı júzege asyra alasyz degen syndy málimetterge birden jaýap alyp, metodologııalyq ári teorııalyq bilimińizdi praktıkalyq jumys nátıjelerimen kórsete alasyz.

 

Delve - zertteýshilerge sapaly derekterdi taldaýǵa kómektesetin onlaın-baǵdarlamalyq jasaqtama. Delve-di úırený ońaı, jáne sapaly zertteýler úshin jańa sapada júrgen nemese sapaly ádisnamalyq kýrsta sabaq beretinder úshin óte yńǵaıly. Siz magıstr bolsańyz da, doktorant bolsańyz da, osy joldardan sátti ótip, eńbek jolyńyzdy jalǵastyryp jatqan maman bolsańyz da, ǵylymı jumys sizdi qyzyqtyra ma, bul janyńyzǵa jaqyn sala ma, osyny anyqtap alǵanyńyz jón bolady...

Araı JÚNDIBAEVA,
fılosofııa (PhD) doktory,
lıngvıst, ádebıet zertteýshisi
Pikirler