Bügın Memleket basşysy elımızdıŋ kölık-tranzittık äleuetın damytu jönınde keŋes ötkızdı. Osyǧan bailanysty jurnalister tarapynan qoiylǧan sūraqtarǧa QR Prezidentınıŋ baspasöz hatşysy Ruslan Jeldıbai jauap berdı, dep habarlaidy “Adyrna” ūlttyq portaly.
“Būl jerde, eŋ aldymen, geosaiasi tūraqsyzdyq jaǧdaiynda Qazaqstan kömırsutegın halyqaralyq naryqtarǧa jetkızu baǧyttaryn ärtaraptandyru turaly söz bolyp otyr. Jiynda jaŋa kölık dälızderın aşu mäselesı talqylandy. Būl bır kündık jūmys emes, ūzaq merzımdı jospar. Şyn mänınde, qabyldanǧan şeşımderdıŋ eşqandai saiasi astary joq. Resei bızdıŋ strategiialyq serıktesımız ärı odaqtasymyz bolyp qala beredı. Onyŋ müddesıne nūqsan keltıretın qandai da bır ıs-äreketterge jol berılmeidı. Qazaqstan tarapyna qatysty da osyndai äreketter jasalmaidy dep ümıttenemız”,- dep jazdy ol Facebook paraqşasyna.
