Qazaqstan Respýblıkasynyń Tuńǵysh Prezıdenti-Elbasy kitaphanasy dırektorynyń orynbasary Tımýr Shaımergenov ustaldy. Bul týraly Silkroadnews-ke Astanadaǵy derekkóz málimdedi, dep habarlaıdy “Adyrna” tilshisi.
Derekkózdiń habarlaýynsha, Shaımergenovty Astanadaǵy arnaıy qyzmettiń ókilderi áıelimen birge ustaǵan.
Ol buǵan deıin Nazarbaev basqarǵan Qaýipsizdik Keńesinde qyzmet etken, qorǵanys jáne aeroǵarysh ónerkásibiniń vıe-mınıstri bolǵan. Sondaı-aq Syrtqy ister mınıstrliginiń Halyqaralyq aqparat komıtetin basqardy.
Sońǵy jyldary Shaımergenov Nazarbaev kitaphanasynyń basshylyǵynda jumys istedi. Ortalyq Azııa elderi men Qytaı boıynsha sarapshy bolǵan.
“Quqyq qorǵaý organdary qamaýǵa alý týraly resmı aqparat bergen joq”, – delingen habarlamada.
