Jaqynda redakııamyzǵa kásipker Dáýlet Baqbergenov habarlasyp, ózi basqarǵan kompanııanyń sottyń solaqaılyǵynan ádiletsizdiktiń qurbany bolǵanyn aıtyp, arasha surady. Biz de Dáýlet myrzanyń sózin jerge tastamadyq. Máseleniń mán-jaıyn surap, bildik.
Dáýlet myrza Almaty qalasynda ornalasqan «Fuji-lıft» jaýapkershiligi shekteýli seriktestigin basqarady eken. Bul seriktestik kúni búginge deıin lıfti ornatýmen aınalysyp kelgen.
Sóıtip, 2015 jyly «AHEKO» JShS-men kelisimshart túzipti. Bul seriktestiktiń basynda Ázirbaıjan qaýymdastyǵynyń tóraǵasy Ábilfas Mýslımovıch Hamedov deıtin kisi bolǵan. Kelisimshartti jasaý, kelissózder júrgizý proessin basqa-basqa emes, dál osy Ábilfas Mýslımuly júrgizgen eken.
Tapsyrys berýshi túrli sebeptermen kelisimshart talaptaryn buzǵanyna qaramastan, aqyrynda sotqa berip, sotta sýdıanyń birjaqtyly sheshimimen jeńip shyqqan. Sot jaýapker taraptyń naqtyly keltirgen dálelderiniń birde-bireýin eskermegen.
Ári qaraı, sózimiz suıyq shyqpas úshin, «Fuji-lıft» JShS-niń atqarýshy dırektory Dáýlet Baqbergenovti áńgimege tarttyq. Sot proessiniń qalaı ótkeni týraly egjeı-tegjeıli surap bildik.
Kelisim qalaı jasaldy?
Dáýlet Baqbergenov, «Fuji-lıft» JShS atqarýshy dırektory:
- Sizderge túsinikti bolýy úshin, kelisimsharttyń qalaı túzilgeninen bastaıyn. 2015 jyldyń maýsym aıynda bizdiń «Fuji-lıft» JShS men «AHEKO» JShS arasynda kelisimshart jasalǵan. Ol boıynsha biz olarǵa 6 lıfti ornatyp berýimiz kerek edi. Bul kelisimsharttyń jalpy somasy 5 mıllıon 300 myń teńgedeı boldy.
2016 jyldyń qańtar aıynda biz lıftilerdi ornatý jumystaryn bastadyq. Nege osynsha uzaq ýaqattyn soń? Biz kelisim jasalǵannan keıin-aq, ornatý jumystaryn bastap keter edik. Kelisimshart boıynsha olar bizge lıftilerdi ornatatyn jerlerdi daıyndap berýi kerek bolǵan. Iaǵnı, lıfti ornatatyn shuńqyrdy daıyndap berýi kerek edi.
Odan keıin, «AHEKO» JShS arasynda kelisimshart túzilgennen 3 kúnniń ishinde jalpy somanyń 75 paıyzyn tóleýi mindetti bolǵan. Olar 3 kúnde tóleýi kerek somany 162 kún degende tóledi. Biraq, biz sonda da jumysty bastap kettik. Ótkendegi sot otyrysynda men osy máselerdi aıtyp, ótinish, aryz, málimdeme jasaǵan edik. Sot bizdiń málimdemelerdiń birde-birin eskergen joq. Nege ekeni taǵy belgisiz...
Jalpy lıftini ornatý eki kezeńnen turady. Birinshi montaj jumystary, ekinshi lıftini iske qosý. Toktaryn, elektrlik qurylǵylaryn iske qosý kezeńi.
Sóıtip, montaj jasaıtyn jer daıyn emes. Biz bul týraly «AHEKO-ǵa» birneshe hat jazdyq. Lıftini olar ózderi satyp alǵan. Lıft olardyń menshigi. Olar bizge lıftiniń bólshekterin ákelip berýi kerek edi.
Jalpy bir lıfti 100 shaqty bólshekten turady. Bizge sol bólshekterdi ákelip bergen soń, biz lıftini ornatýymyz kerek qoı... «AHEKO» bizge sol bólshekterdi bólip-bólip ákele bastady. Onda da tolyq emes. Sebebi, satyp alǵan lıftteri basqa jerdegi qoımalarynda eken. Negizi kelisim boıynsha alty lıfti ornatýymyz kerek.
Bizge qalaı jetizip berdi, biz solaı ornata bastadyq. Lıftiniń jabdyqtaryn bólip-bólip ákelgen soń, biz taǵy da «AHEKO-ǵa» aryz hattar jazdyq. Biraq, olar bizdiń jazǵan hattarymyzdyń eshqaısysyna jaýap bermedi. Joǵaryda aıtqanymdaı, kelisimshart somasynyń 75 paıyzyn jarty jyl sozyp júrip, 162 kúnde tóledi.
Keıin, olar lıftiniń kóteriletin bıiktigin taǵy 3 metrge uzartatynyn aıtty. Qurylys júrip jatqan ǵımaratqa taǵy bir qabat qosylady eken. Ol kezde biz ornatý jumystaryn bastap ketkenbiz. Sodan, ǵımaratqa taǵy bir qabat qosylatyn boldy. Onyń da shuńqyry daıyn emes. Jumys taǵy toqtap qaldy.
3 metrge uzarǵan soń, oǵan qosymsha bólshekter kerek qoı. Ol bólshekterdi «AHEKO» alýy kerek boldy. Sóıtip, sozyp júrip aldy. Aqyry, 2017 jyldyń qazan aıynda ǵana bizge lıfti ornatatyn oryndy daıyndap, lıftiniń qosalqy bólshekterin jetkizip berdi.
Biz sol kezde-aq, ony ornattyq. Lıftiniń montajyn bitirdik.
Lıftiniń negizgi jumysy – qańqasy, aýyr temir bólshekteri ornatyldy. Endi ony iske qosý kerek. Qosý úshin elektrlik jabdyqtary kerek. Endi sol elektrlik jabdyqtardy jetkizip bermeı, soza bastady. Ol jere elektrlik jabdyqtar, planta, basqarý bólshekteri degen jabdyqtar kerek edi.
Sodan biz, jańaǵy «AHEKO-ǵa» taǵy da hat jazdyq. Olar taǵy jaýap bermedi. Men osynyń barlyǵyn appelıaııalyq aryzda da, sotta da aıtyp, kórsetkenmin. Bir qyzyǵy sýdıa osynyń eshqaısysyn eskergen joq.
Biz shaǵymdarymyzdy hatqa túsirip, jańaǵy «AHEKO-ǵa» jiberemiz. Olardan jaýap joq. Sóıtip, negizgi jumystar aıaqtalǵan soń, olar bizge hat jazdy. «Nege bitirmeısińder?» degen maǵynadaǵy suraqtardy qoıdy. Tipti, bizdiń jumysqa múlde qatysy joq talaptardy qoıdy.
Osydan keıin, arada kelissózder boldy. Eki jaq kelisimge kelip, biz ary qaraı óz jumysymyzdy jasaı berdik. Olar da bizdi sotqa bergen joq. Biz de olardyń artynan qýdalamadyq.
2017 jyldyń qazan aıynda montaj jumystary tolyǵymen bitti. Endi tek lıftilerdi qosý kerek. Ol úshin joǵaryda aıtqanymdaı, elektrlik jabdyqtardy bizge ákelip bermegen. Sóıtip júrgende, jańaǵy ǵımarattaǵy ózderiniń qurylys jumystary aıaqtalmaı, sozylǵan jumys sozyla berdi.
Aqyry 2018 jyldyń qazan-qyrkúıek aılarynda olar bizdi sotqa berdi. Sonda bizge kelisimshartty ýaqytyly oryndaǵan joq dep shaǵymdandy. «Kelisimshartta kórsetilgen óz mindetterin oryndamady. Kelisimsharttyń merzimin, shartyn buzdy» dep sotqa berip, eki arada jasalǵan kelisimshartty tolyq kúshin joıatyndaı etip buzýdy, ózderi keshiktirip tólegen 75 paıyzdyń aqshasyn tolyq qaıtarýdy talap etti.
Al sot bizdiń keltirgen argýment dálelderimizdiń birde-bireýin eskermesten, «AHEKO-nyń» paıdasyna sheshim shyǵaryp berdi.
«Kóp suraqqa kózin jumǵan Madybaeva «áldenege» múddeli me?»
Sýdıa Almaty qalalyq mamandandyrylǵan aýdanaralyq sotynyń sýdıasy – Madybaeva Zeınekúltaı degen kisi.
2018 jyldyń 28-jeltoqsany kúni men appelıaııalyq aryz berdim. Sol jerde aldyńǵy sottaǵy saýatty, hat tanıtyn adamǵa aıdan anyq óreskeldikti jazdym.
Aldyńǵy sot otyrysy kezinde sýdıa Madybaeva bizdiń aıtqan málimdeme, eskertpe, aryz, dálelderimizdi eskergen joq. Áıtpese, biz sotta barlyǵyn dálel faktimen, ýaqyt-kúnimen kórsettik.
Tipti, sot sheshimin qarasańyz aryzdanýshy, ıaǵnı tapsyrys berýshi «AHEKO» JShS kelisimsharttyń birde-bir pýnktin buzbaǵan sııaqty kórsetilgen. Barlyq qatelik, zań buzýshylyq tek bizdiń komanııa tarapynan bolǵan sııaqty.
Mysaly, appelıaııalyq aryzda men nege biz tapsyrysty ýaqytyly oryndaı almaǵanymyzdy kórsettim. Oryndaı almaǵan sebebimiz:
- Olar bizge lıftiniń bólshekterin jetkizip bermedi. Aryzdanýshy tarap sot otyrysynda osyǵan qarsy eshqandaı argýment aıta almady. Biraq, sýdıa muny eskermedi.
- Lıftiniń syzbalarǵa sáıkes bolmaýy. Ony da aryzdanýshy tarap dáleldeı alǵan joq. Mundaı shart buzý bolmaǵanyn dáleldeı alǵan joq. Bul da eskerýsiz qaldy.
- Kelisimsharttyń tólem boıynsha sharttaryn olar oryndaǵan joq. 3 kúnniń ishinde tóleıtin qarjyny 6 aıdyń, 162 kúnniń ishinde tóledi. Bul da kelisimshartty buzý edi. Biraq sýdıa taǵy kóz jumdy.
- Ornatý jumystary júrip jatqan kezde taǵy bir qabattyń qosylýy bizdiń jumysymyzǵa kedergi keltirdi.
- Odan keıin lıftini qosýǵa, taǵy bir qabatqa kóterý úshin qajet bólshekterdi ýaqyty ákelip bergen joq.
- Lıftini qosýǵa kerek bólshekterdi bizge der kezinde jetkizip bergen joq. Sondyqtan bizdiń de jumystarymyz edáýir kesheýildedi.
Osynyń barlyǵyn sýdıa Madybaeva qaraýsyz, eskerýsiz qaldyrdy. Men appelıaııalyq aryzda jazdym. Aldyńǵy sotta da birneshe márte aıttym. Sol kezde aryzdanýshy tarap eshbir argýment aıta almady.
Osy appelıaııalyq aryzdy qalalyq sotqa jazdyq. Endi sot aryzdy óndiriske alýy kerek. Sodan keıin sottyń kúni taǵaıyndalsa, osy joly ádildik ornaıdy dep oılaımyn.
«Biz nege «AHEKO-ny» sotqa bermedik?»
Kelisimsharttyń talaptaryn osynshama óreskel buzǵan «AHEKO-ny» nege biz sotqa bermedik? Biz olardy sotqa bermedik. Bizdiń qatelik sol boldy. Men kompanııanyń atqarýshy dırektory retinde, basshylarǵa talaı ret aıttym. «Shara qoldanaıyq, sotqa bereıik» dedim. Ókinishke oraı, bizben kelisim jasasqan kisi bizdiń basshylarmen jaqsy qarym-qatynasta bolǵan, bizdiń basshylar syılaıtyn laýazymdy kisi eken. Bizdiń basshylar solaı dep sanaǵan. Jurtqa syıly, biraz el tanıtyn kisi bolǵan soń, qazaqylyqqa salynyp, aradaǵy máselelerdi sóılesip sheship júrgen edik.
Ázirbaıjan qaýymdastyǵynyń tóraǵasy ma, prezıdenti me, áıteýir sondaı adam. Aty-jóni Ábilfas Mýslımovıch Hamedov degen kisi.
Negizi «AHEKO» degen kompanııanyń dırektory – Abdýllaev Taır degen kisi. Qujatta solaı dep kórsetilgen. Al shyn mánisinde jańaǵy Aıbdýllaev Taır degen adam qurylys boıynsha meńgerýshi me, áıteýir sondaı bir qyzmet atqarady.
«Ábilfas Mýslımovıch – sheshim qabyldaýshy tulǵa»
Kelisimshartty jasaǵan, teksergen, kelissózderdi júrgizgen Ábilfas Mýslımovıch degen adam. Ol jańaǵy jerde buıryq boıynsha istep júr me, joq pa, biz ony bilmeımiz. Sebebi, kompanııanyń resmı basqarýshysy, quryltaıshysy, jalǵyz qatysýshysy – Abdýllaev Taır dep kórsetilgen. Kompanııa resmı sonyki. Al shyn máninde barlyǵyn sheship otyrǵan Ábilfas Mýslımovıch degen adam.
Barlyq kelisimderdi jasaǵanda, kelissózderdi júrgizgende biz sol Ábilfas degen kisimen kezdesip, kelisim jasasyp otyrdyq.
Meniń kelisim jasaıtyn quziretim joq. Men atqarýshy dırektormyn. Resmı kompanııanyń buıryǵy shyǵady, meniń atyma. Men sol buıryqpen ǵana jumys jasaımyn. Kelisimdi bizdiń basshylar jasaǵan. Ol kezde basshymyz Aıbyn Áýbákir edi. Qazir Qurmanáli Seraly degen azamat.
Bizdiń ekeýara jasasqan kelisimshartqa Ábilfas degen kisi qol qoımaǵan. Degenmen, zańda sheshim qabyldaýshy tulǵa degen túsinik bar. Ábilfas sol – sheshim qabyldaýshy tulǵa. Ondaı tulǵa kez kelgen jaǵdaıda jaýapqa tartylady. Ol kompanııanyń resmı ókili bolmaǵan kúnniń ózinde, ol sheshim qabyldaýshy tulǵa kompanııanyń barlyq is áreketterine jaýap berýi kerek.
«Bul baryp turǵan alaıaqtyq»
Bul ashyq túrde alaıaqtyq dep esepteımin. Sebebi, kelisimshart 2015 jyldyń jazynda jasalǵan. Olar bizdi 2018 jyldyń kúzinde, arada úsh jyl ótkennen keıin ǵana sotqa berip otyr.
Kelisimsharttyń merzimi 30 kún ǵana. Iaǵnı, olar bizge lıftini ákelip, oryndy daıyndap beredi. Aqshasyn tóleıdi. Biz 30 kúnniń ishinde 6 lıftini ornatyp berýimiz kerek. Biz bul kelisimshartty túzerde ózimizge júkteletin mindetterdi tolyq túsinip, 30 kúnniń ishinde 6 lıftini ornatamyz dep jasadyq qoı. Eger jańaǵydaı, qurylys jaǵynan kedergiler bolmasa, talaptar oryndalsa, aqshany ýaqyty tólese, lıftini túgel, «mine, ornatyńdar» dep ákelse, biz onatyp berer edik. Biraq basynan bastap olaı bolǵan joq. Aqshany keshiktirdi. Lıftini ýaqyty ákelmedi. Odan keıin orny daıyn emes boldy.
Biz 3 jyl boıy kelissózder júrgizý arqyly máseleni sheshkimiz keldi. 3 jyl boıy biz jumys istedik. Tipti 3 jyl 3 aı. Sodan keıin ǵana bizdi sotqa berip jatyr.
Eger shynymen olar bizdiń kompanııamyzdyń kelisimshartty oryndaı almaıtynyna kózi jetse nemese bizdiń jumysymyzǵa kóńili tolmasa, nege eki aıdan nemese úsh aıdan keıin, meıli jarty jyldan nemese bir jyldan keıin sotqa bermedi?
Sotta aldynda ózderi keshiktirip tólegen aqshany tolyq qaıtarý týraly talap qoıǵan. Iaǵnı jańaǵy 5 mıllıonnyń 75 paıyzyn qaıtarsyn dedi. Biz 3 jylda kóp jumys jasadyq. 90 paıyz jumysty aıaqtadyq. Endi tek sol lıftini qosýǵa qajet bólshekti bermeı, jumys toqtaǵan kezde olar sony paıdalanyp, bizdi sotqa berip, aqsha óndirýdi ǵana oılap otyr. Bul menińshe ashyq alaıaqtyq.
«AHEKO-ny» birneshe kompanııa sotqa bergen eken»
Endi «sot.kz» degen saıtty qaradym. Jańaǵy «AHEKO-ny» sotqa bergen birneshe kompanııa bar eken. Bul saıt ádilet mınıstrliginiń saıty ǵoı deımin, qatelespesem. Sol jerde kompanııanyń nómeri arqyly bilýge bolady. Kez kelgen kompanııanyń kimmen sottasyp jatqanyn, kim-kimge aryzdanǵanyn bilýge bolady. Birneshe kompanııa «AHEKO-ny» sotqa bergen eken. Endi ol jerde kimdiki durys ekenin men bilmeımin, múmkin «AHEKO-nyki» durys shyǵar. Biraq aqshany keshiktirip tólep jatyr degendi oqydym.
«AHEKO-ny» sotqa bergen kompanııalar
17.07.2018 jyl. «NÝRASYL STROI» JShS.
06.11.2018 jyl. «KVANT TORG SERVIS» JShS.
21.11.2018 jyl. Almaty qalasy, Energetıka jáne kommýnaldyq sharýashylyq basqarmasy, «Almaty Sý» memlekettik kommýnaldyq uıymy.
Ábilfas Mýslımovıch – «Ázirbaıjan qaýymdastyǵy» RQB tóraǵasy
Biz Ábilfas Mýslımuly Hamedovtyń bıografııasyna úńildik. Ol kisiniń nyspy-soıy kim ekenin, qandaı qyzmetter atqarǵanyn bildik.
Ábilfas Mýslımuly burynǵy Ońtústik Qazaqstan oblysynyń Maqtaaral aýdanynda týǵan eken. Almaty Sáýlet-qurylys ınstıtýtyn támamdaǵan. 1993 jyldan bastap «HEMKO» qurylys kompanııasyn basqarady. Qazaqstan halqy Assambleıasy Keńesiniń múshesi.
Biraz jyl Qazaqstan halqy Assambleıasy tóraǵasynyń orynbasary bolypty. 2018 jyldyń 28 sáýirinde Prezıdent pármen berip, Ábilfas Mýslımuly Hamedovty tóraǵa orynbasary qyzmetinen bosatqan eken. Aqordanyń resmı saıty solaı dep jazady.
2007 jyldan qazirgi kezge deıin «Ázerbaıjandyqtar qaýymdastyǵy» respýblıkalyq qoǵamdyq birlestiginiń tóraǵasy bolyp tabylady.
«Qurmet» ordenin taqqan, Assambleıanyń jáne basqa da mereıtoılyq medalderdiń ıegeri eken.
«Ýıkıpedııadaǵy» málimette – «Abılfas Mýslımovıch jyl saıyn qaıyrymdylyq maqsattarǵa, mamandandyrylǵan mektepter men múgedekterge arnalǵan ınternattardy qaıta qurylymdaý men jóndeýge qarjy bóledi, bala baqshalaryna, turmysy tómen otbasylaryna materıaldyq kómek kórsetedi» dep jazylǵan eken.
Biz máseleniń aq-qarasyn aıyrý maqsatynda Ábilfas Mýslımovıchtiń qalta telefonyna birneshe márte qońyraý shaldyq. Telefon tutqasyn eshkim kótergen joq.
Odan keıin, «spra.vkaru.net» portalynda kórsetilgen qalalyq telefonǵa da habarlastyq. Ókinishke oraı, qońyraýymyz jaýapsyz boldy.
Túıin. Biz ázirge bul maqalaǵa qatysty túıin jazbadyq. Ábilfas Mýslımuly sheshim qabyldaıtyn «AHEKO» seriktestiginiń talap-aryzyn quptap shyǵarǵan, sýdıa Madybaevanyń sheshimin appelııaııaǵa bergen eken. Aryz berýshi «Fuji-lıft» seriktestigi appelııaııalyq sot eki taraptyń da ýájin estise, eki tarapqa da ádil sheshim shyǵarsa deıdi. Biz de osydan úmittimiz. Appelııaııalyq sot ádil tórelegin aıtar...
Deıturǵanmen, Prezıdent jarlyǵymen Assambleıadaǵy qyzmetinen bosatylǵan Ábilfas Mýslımovıch Hamedov myrza kúni búginge deıin «Ázirbaıjan qaýymdastyǵy» birlestigin basqaryp kele jatyr eken.
Jaýapty qyzmette, jurt aldynda júrgen, el men eldiń, adam men adamnyń tatýlyǵyna jaýapty azamattardyń attary osyndaı keleńsiz oqıǵalarda atalyp qalýy – eshkimge abyroı ápermeıtini shyndyq.
Qazaq «eldestirmek elshiden» deıdi. El ishinde elshilik etip júrgen Ábilfas Mýslımovıch te muny eskerse ıgi edi...
Maqala abai.kz aqparattyq portalynan alyndy. Tolyq silteme: https://abai.kz/post/84272?fbclid=IwAR3Eem52MvaMZHmxbPhh7zzv2b6FvvTa7cc1CQn9tqArR8dmmIyvFBP_JwU
