IIM Qazaqstan Respublikasynyŋ 2022-2026 jyldarǧa arnalǧan sybailas jemqorlyqqa qarsy saiasatynyŋ tūjyrymdamasyn ıske asyru şeŋberınde polisiia qyzmetkerlerın adaldyqqa tekseru tetıgın (Integrity Shesk) engızu mäselesın pysyqtap jatyr. Mūndai tekserulerdıŋ nätijelerı qyzmet ötkeru jäne attestasiia ötkızu kezınde eskerıletın bolady. Būl turaly Polisia.kz jariialady, dep habarlaidy “Adyrna” tılşısı.
Aqparat boiynşa, Işkı ıster ministrı Marat Ahmetjanovtyŋ tapsyrmasynda onyŋ orynbasarlary Almaty jäne Astana qalalary patruldık polisiiasynyŋ jeke qūramyna nūsqaulyq ötkızgen.
“Marat Qojaev pen İgor Lepeha elımızdıŋ ekı qalasynda qoǧamdyq tärtıptı jäne halyqtyŋ qauıpsızdıgın qorǧaudy qamtamasyz etetın qyzmetkerlerdıŋ daiyndyǧyn tekserdı. Olar qoǧamnyŋ sūranystaryna den qoiyp, qiyn jaǧdaiǧa tap bolǧan azamattarǧa uaqtyly kömek körsetuge, sondai-aq sypaiy mınez-qūlyq pen etikalyq normalardy saqtauǧa baǧyttalǧan polisiianyŋ servistık modelı aiasyndaǧy jūmysty eske saldy. Sondai-aq poliseilerdıŋ zaŋdylyq pen tärtıptı saqtauyna erekşe nazar audaryldy. Qazır Integrity Shesk pilottyq jobasyn patruldık polisiiada synaqtan ötkızu josparlanyp otyr. Sebebı halyqpen kün saiyn däl osy qyzmet ökılderı tyǧyz bailanysta. Olardy tekserudı är türlı jaǧdailardy modeldeu arqyly özındık qauıpsızdık bölımşelerı jürgızetın bolady”, delıngen habarlamada.Aita keteiık, tekserıs jürgızudegı negızgı maqsat – qūqyqbūzuşylyqtardyŋ aldyn alu jäne polisiia qyzmetkerlerınde sybailas jemqorlyqqa qarsy immunitet qalyptastyru.
Ūqsas jaŋalyqtar
