"Qańtar oqıǵasy" kezinde oqqa uqshan "máńgilik bala beıne", tórt jasar Aıkórkemniń qazasyna qatysty tergeý isin ońtústik óńirlik áskerı-tergeý basqarmasy toqtatyp tastady. Aıyptylar qazaqtyń bir perzentin "qan bóktirce" de, tergeýge jaýapty tarap bolǵan istiń «qylmystyq quramy joq» dep tanyǵan. Bul jaıly Aıkórkemniń ákesi Aıdos Meldehan habarlady, dep jazady "Adyrna" ulttyq portaly "Azattyq"-qa silteme kórsete otyryp.
Tergeýshi tarap qazaqtyń aıaýly perzentin ólimge qıǵandardy zań negizinde áreketke bardy dep sanap otyr. Buǵan deıin tórt jasar búldirshinniń keıin bas súıegin joǵaltyp jibergeni de habarlanǵan edi.
- Tergeý organy iste «qylmys quramy joq» deıdi. Iaǵnı, Aıkórkemdi atý qylmys emes, qarýdy zańdy negizde qoldanǵan-mys. Árıne biz shaǵymdanatyn bolamyz, - dedi advokat Rafık Beısebekov buǵan qatysty.
Tórt jasynda ózine qarsy kezengen qarý men atylǵan oqtyń kesirinen máńgilik uıqyǵa ketken Aıkórkemniń ákesi qylmyskerdi tappaıynsha jany jaı tabar emes.
- Bul masqara ǵoı, sózim joq. Qyzymdy óltirgenderdi tabýdyń ornyna isti toqtatqan, onysymen qoımaı isti «qupııa» etipti. Jeltoqsannyń aıaǵynda toqtatypty. Keshe ony estip advokatym aıqaı-shý shyǵarǵannan keıin hat jiberipti. Endi is materıaldaryn da kóre almaıtyn boldyq. Ne isterimdi de bilmeı otyrmyn, estı sala qolhat jazyp aýrýhanadan búgin shyqtym, - dedi 6 qańtarda Aıdos Meldehan Azattyqqa bergen suhbatynda.
Eskerińizge sala keteıik, tórt jasar Aıkórkem Meldehan byltyr 7 qańtarda Almaty qalasynda dúken izdep shyqqan jaqyndarymen birge kólikte otyrǵan kezde oqqa ushty. Sol oqıǵa kezinde 16 jasqa aıaq basqan Aıkórkemniń ápkesi Janelge jeti oq tıgen. Onyń ekeýi keýdesin tesip ótken, denesinen bes oq alyndy. Jedel medıınalyq járdem aýrýhanasynda denesinen 4 oqty omyrtqa, ókpesi, jambasynan alǵan. Besinshi oqty Almaty qalasy Baǵanashyl yqshamaýdanyndaǵy balalar hırýrgııasynda aldy. Kólikti kózdep, oǵan kimniń oq atqany áli kúnge jumbaq kúıinde qaldy. Ákesi kólikten áskerı oq tapqanyn habarlady. Tergeýshi tarap, budan qandaı da bir qylmystyq áreketterdi baıqamaı, bolǵan isti joqqqa shyǵaryp baǵýda.
"Adyrna" ulttyq portaly
