Rıdder jylý elektr stanııasynda taǵy da apat boldy, dep jazady "Adyrna" ulttyq portaly.
ShQO ákimi Danıal Ahmetovtyń málimdeýinshe, buǵan JEO basshylyǵy kináli.
"Rıdder jylý elektr ortalyǵy basshylyǵynyń nemquraılyǵynan bager stanııasy qaıtadan sý astynda qaldy. Dál osyndaı jaǵdaı ótken jyldyń 5 qarashasynda bolǵany málim. Merdiger uıymdardyń kúsh-jigerimen biz mazýtty soryp alyp, barlyq agregattardyń jumysyn qalpyna keltirdik. Alaıda, JEO basshylyǵynyń kinásinen jaǵdaı qaıtadan qaıtalandy. Qazir bager stanııasynda apatty joıý júrgizilýde, 4 motopompalar, 4 sýasty sorǵylary iske qosyldy. Tótenshe jaǵdaı jónindegi shtabtyń aqparaty boıynsha 3-4 saǵat ishinde apattyń saldary joıylady. Rıdder turǵyndaryna aıtarym- bolǵan jaǵdaı stanııanyń jumysyna áser etpeıdi. Alańdaýǵa eshqandaı sebep joq. Rezervtik jabdyq qosylǵan. Jylý elektr ortalyǵynan jylý berý keste boıynsha júrgiziledi. Shtab mamandary oqıǵanyń sebepterin anyqtaý ústinde", - dep jazdy Danıal Ahmetov.
"Adyrna" ulttyq portaly
