2023 jyl ótken jylǵa qaraǵanda ishki saıası oqıǵalarǵa toly bolmaq. Bul týraly Memlekettik Keńesshi Erlan Qarın óziniń telegram arnasynda jazdy, dep habarlaıdy “Adyrna” ulttyq portaly.
“Aldaǵy 2023 jyldyń saıası kún tártibi ótken 2022 jylǵydaı, Prezıdent belgilegen saıası reformalar vektorymen aıqyndalady. Bul, eń aldymen, el Konstıtýııasyn jańartý jónindegi respýblıkalyq referendým nátıjelerin is júzinde iske asyrýdy jalǵastyrýǵa qatysty.
Jyl basynan múldem jańa ınstıtýt – Konstıtýııalyq sot óz jumysyn bastaıdy. Ol Adam quqyqtary jónindegi ýákil men Bas prokýratýranyń jańa konstıtýııalyq mártebesin jáne halyqtyń áleýmettik osal sanattaryn qoldaý jónindegi Ýákildiń jańa laýazymyn qurýmen qatar, azamattardyń negizgi quqyqtaryn qorǵaýdyń jańa júıesin jabady.
Sondaı-aq, 1 qańtardan bastap saılaý zańnamasy men saılaý júıesine engizilgen birqatar jańa ózgerister kúshine enedi. Bir mandatty saılaý okrýgteri men tıisti saılaý komıssııalaryn qurý proesi bastalýda.
Endi aýmaqtyq saılaý komıssııalarynyń músheleri óz ókilettikterin turaqty kásibı negizde júzege asyratyn bolady. Bul saılaý proedýralarynyń sapasyn arttyrady.
2022 jyldyń kúzinde bastalǵan jańa saılaý ıkli jalǵasyn tabady. 14 qańtarda Parlament Senatynyń depýtattaryn saılaý ótedi. Sodan soń birinshi jartyjyldyqta Májilis pen barlyq deńgeıdegi máslıhattar depýtattaryn kezekten tys saılaý ótýge tıis. Aldaǵy saılaý naýqany múldem jańa erejeler men normalar boıynsha ótetinin atap ótken jón. Bıyldan bastap pılottyq rejımde aýdandar men oblystyq mańyzy bar qalalardyń ákimderi tikeleı saılanady. Aýyl ákimderiniń korpýsyn jańartý jalǵasady. 350-den astam aýyl, kent jáne aýyldyq okrýg ákimderin tikeleı saılaý josparlanyp otyr. Saılaý myńnan astam aýyldyq eldi mekendi qamtıdy. Osylaısha, 2023 jyl ótken jylǵa qaraǵanda ishki saıası oqıǵalarǵa toly bolmaq”,- dep jazdy Erlan Qarın.
