Ózbekstanda tumaýǵa qarsy úndi dármegine júginip, Dok-1 Maks preparatyn qoldanǵan 19 bala qaıtys boldy. Taǵy bir bala JRVI-ǵa qarsy úndilik dáriden ýlanyp, emhanaǵa jetkizildi, dep habarlaıdy "Adyrna" ulttyq portaly.
- Jótelge qarsy sırop ishken bala jansaqtaý bólimine jetkizildi, - dep habarlaıdy Ózbekstan Ulttyq aqparat agenttigi Ferǵana qalasynyń densaýlyq saqtaý basqarmasyna silteme jasap.
Ýlanǵan bala Kývasaı qalasynyń turǵyny, 2019 jyly týǵan. Qazir oǵan qabyldaý-dıagnostıka bóliminde anamnez jazyldy, bala jansaqtaý bólimine jatqyzyldy. Onyń aǵzasyna ýly suıyqtyq 2022 jyldyń 28 jeltoqsanda túsken, biraq egjeı-tegjeıi qazir ǵana belgili boldy.
Naqtylaı keteıik, 2022 jyldyń 27 jeltoqsanynda Samarqandta 19 balanyń ólimi rastaldy. Olardyń barlyǵy atalǵan preparatty qabyldaǵannan keıin qaıtys boldy. Odan keıin 31 jeltoqsanda taǵy 10 bala úndilik preparattardy qabyldap, aýrýhanaǵa túsken.
Oqıǵadan keıin eldiń Densaýlyq saqtaý mınıstrligi ýyttylyqqa qatysty tekserýler men zertteýlerdi bastady. Dok-1 Maks partııasynda etılenglıkol tabyldy, ol durys qabyldanbaǵan jaǵdaıda densaýlyqqa eleýli problemalar týǵyzýy múmkin. Anyqtalǵandaı, ata-analar sýyq tııýge qarsy dári-dármekti óz betinshe nemese farmaevtterdiń usynysy boıynsha satyp alyp, balalarǵa normadan aıtarlyqtaı asyp túsetin mólsherde bergen.
"Adyrna" ulttyq portaly
