Memleket basşysy Qasym-Jomart Toqaev Ana men bala ūlttyq ǧylymi ortalyǧyna bardy. Būl turaly Aqorda jazdy, dep habarlaidy «Adyrna» tılşısı.
Qasym-Jomart Toqaev aldymen ortalyqtaǧy Smart synyptyŋ jūmysymen tanysty. Em alyp jatqan balalar oqudan qol üzıp qalmauy üşın «Aqyldy synyp» ūiymdastyrylǧan. Mūnda mektep baǧdarlamasyna säikes matematika, tarih jäne basqa da pänder oqytylady.
Prezident respublikanyŋ är öŋırınen kelıp, em alyp jatqan balalarmen äŋgımelestı. Memleket basşysy jetkınşekterdıŋ tezırek sauyǧyp ketuıne tılektestık bıldırdı.
Prezidentke balalar bölımşelerınde 351 bala em alyp jatqany turaly baiandaldy. Biyl būl jerde 18 myŋǧa juyq bala emdelgen.
Qasym-Jomart Toqaev ortalyqtaǧy balalardy Jaŋa jyl merekesımen qūttyqtap, barlyǧyna syilyq ülestırdı.
