«Gremmi» premiiasynyŋ iegerı İmanbek Zeikenov tuǧan jerı Aqsu qalasynda jastarmen kezdesıp, qala äkımınıŋ aqşalai syilyǧyna ie boldy. Alaida, İmanbek öz syilyǧynan bas tartyp, ony qaiyrymdylyq qoryna berdı, dep habarlaidy «Adyrna» ūlttyq portaly, Tengrinews.kz-ke sılteme jasap.
Kezdesude İmanbek özı turaly jäne Mäskeudegı sapardan alǧan äserı men bolaşaq josparlary jaily söz ettı. Di-djeige oblys äkımınıŋ jäne mädeniet ministrınıŋ qūttyqtaulary kelıp tüstı. Sonymen qatar ony «Qazaqkonsert» direktory Jeŋıs Seidollaūly da qarsy aldy. ⠀
Oǧan oblys äkımı zamanaui qūral-jabdyqtar satyp alu üşın 2 million teŋgenı «premiiaǧa körımdık» retınde syiǧa tartty. Al Aqsu qalasynyŋ äkımı Nūrjan Äşımbetov şapan jauyp, syi-qūrmetke böledı.
«Mende jūmysyma qajettı zamanaui qūral-jabdyqtar bar. Sondyqtan men būl aqşany qaiyrymdylyqqa jūmsamaqpyn. Men eşqaida ketkım kelmeidı. Men kün saiyn qalalardy aralaudamyn. Bolaşaq josparym, men muzykamen jūmysymdy jalǧastyramyn. Temırjoldy tastaǧanyma bır jyldan asty. Qazırgı jastar bärın jemqor dep oilaidy, ony joiu mümkın emes deidı. Būnyŋ bärı – jalǧan. Bärı öz qolyŋda. Al men kelesı relizımdı Şon Polmen qūrudy josparlap otyrmyn», - dedı İmanbek. ⠀
Ol sonymen qatar änşı Eldjeimen kelısımşart turaly qauesetterdı joqqa şyǧardy. Onyŋ aituynşa, ol onymen bırge tek än jazǧan.
"Adyrna" ūlttyq portaly
Ūqsas jaŋalyqtar
