«Gremmı» premııasynyń ıegeri Imanbek Zeıkenov týǵan jeri Aqsý qalasynda jastarmen kezdesip, qala ákiminiń aqshalaı syılyǵyna ıe boldy. Alaıda, Imanbek óz syılyǵynan bas tartyp, ony qaıyrymdylyq qoryna berdi, dep habarlaıdy «Adyrna» ulttyq portaly, Tengrinews.kz-ke silteme jasap.
Kezdesýde Imanbek ózi týraly jáne Máskeýdegi sapardan alǵan áseri men bolashaq josparlary jaıly sóz etti. Dı-djeıge oblys ákiminiń jáne mádenıet mınıstriniń quttyqtaýlary kelip tústi. Sonymen qatar ony «Qazaqkonert» dırektory Jeńis Seıdollauly da qarsy aldy. ⠀
Oǵan oblys ákimi zamanaýı qural-jabdyqtar satyp alý úshin 2 mıllıon teńgeni «premııaǵa kórimdik» retinde syıǵa tartty. Al Aqsý qalasynyń ákimi Nurjan Áshimbetov shapan jaýyp, syı-qurmetke bóledi.
«Mende jumysyma qajetti zamanaýı qural-jabdyqtar bar. Sondyqtan men bul aqshany qaıyrymdylyqqa jumsamaqpyn. Men eshqaıda ketkim kelmeıdi. Men kún saıyn qalalardy aralaýdamyn. Bolashaq josparym, men mýzykamen jumysymdy jalǵastyramyn. Temirjoldy tastaǵanyma bir jyldan asty. Qazirgi jastar bárin jemqor dep oılaıdy, ony joıý múmkin emes deıdi. Bunyń bári – jalǵan. Bári óz qolyńda. Al men kelesi relızimdi Shon Polmen qurýdy josparlap otyrmyn», - dedi Imanbek. ⠀
Ol sonymen qatar ánshi Eldjeımen kelisimshart týraly qaýesetterdi joqqa shyǵardy. Onyń aıtýynsha, ol onymen birge tek án jazǵan.
"Adyrna" ulttyq portaly
