Antıkor “Qazgeologııa” basshylyǵyna qatysty tergeý bastalǵanyn habarlady, dep jazady "Adyrna" ulttyq portaly.
"Qazaqstan Respýblıkasynyń Sybaılas jemqorlyqqa qarsy qyzmeti laýazymdyq ókilettikterin asyra paıdalaný faktisi boıynsha «Qazgeologııa» Ulttyq geologııalyq barlaý kompanııasy» AQ (memlekettiń 100% qatysýy) basshylyǵyna qatysty sotqa deıingi tergep-tekserýdi bastady. Mekeme basshylyǵy Jarǵyny buza otyryp, dırektorlar Keńesiniń tıisti sheshiminsiz Basqarma múshelerine (Basqarma Tóraǵasy, Tóraǵanyń 3 orynbasary, bas geolog) 2017-2019 jyldar kezeńinde jalaqyny, bonýstardy jáne materıaldyq kómekti 169 mln. teńgeden astam somaǵa artyq tóleýge ákep soqtyrǵan laýazymdyq jalaqynyń mólsherin 2 ese ulǵaıtty dep kúdiktenedi. Tergeý jalǵasýda", - delingen habarlamada.
Tergeý múddesi úshin ózge aqparat jarııa etýge jatpaıdy.
"Adyrna" ulttyq portaly
