Qyrǵyzstannyń parlament spıkeri Nurlanbek Shákıev Joǵarǵy Keńestiń otyrysynda Tabıǵı resýrstar, ekologııa jáne tehnıkalyq baqylaý mınıstri Dınara Qutmanovaǵa orys tilinde baıandama jasaýǵa ruqsat bermedi, dep habarlaıdy «Adyrna» tilshisi.
«Keshirińiz, oryssha baıandama jasaýǵa kimnen ruqsat suradyńyz? Nege qyrǵyzsha emes?»,— dep tóraǵa mınıstrdiń sózin bóldi.
Dınara Qutmanovanyń «tóraǵadan» degen jaýabyna Nurlanbek Shákıev: «Qazir kórip turmyn. Bizdiń elde osyndaı tártip bar, mindetti túrde memlekettik tilde baıandama jasaý kerek. Siz ruqsat suramaı, oqýdy jalǵastyra beresiz be? Qyrǵyzsha jasańyz», – dedi.
Ári qaraı mınıstr sózin memlekettik tilde jalǵastyrdy.
Aıta keteıik, jıynda Bishkektegi aýanyń lastanýy máselesi talqylanyp, Tabıǵı resýrstar, ekologııa jáne tehnıkalyq baqylaý mınıstri atqarylyp jatqan sharalarǵa toqtaldy.
