Üstel tennisınen ötken älem chempionatynda qazaq balasy tūtas älem nazaryn özıne audardy. Ol Tuniste ötken dodada dara şauyp, jūptyq synda altyn, jekelei synda el qorjynyna qola medal saldy. Būl jaidy "Adyrna" ūlttyq portaly habarlaidy.
Sport jaŋalyqtarynyŋ jarşysyna ainalǧan jurnalist Ruslan Medelbek qazaq balasy Alan Qūrmanǧalievtıŋ jetıstıgın süiınşılep, köpşılıktı quanyşqa böledı. Erekşe oqiǧa jaily:
- Üstel tennisınen Tuniste ötıp jatqan jasöspırımder arasyndaǧy älem chempionatynda qazaq balasy Alan Qūrmanǧaliev 15 jasqa deiıngı sportşylar arasynda jūptyq synda (egipettık Hana Gobamen) altyn, jekelei synda qola medal jeŋıp aldy. Qytai, kärıs, japondar myqty keletın sportta qazaq balasynyŋ medal aluy - tarihi jeŋıs. Alan degen esımdı este saqtaŋyz, 2028 jylǧy olimpiadany şulatar degen ümıtımız bar, - dep jazdy jurnalist.
Alan qazır on jetı jasta. Jas saŋlaq jyl boiyna tūraqty nätije körsetıp, 19 halyqaralyq turnirdıŋ medalın jeke qorjynyna salyp ülgerdı. Jas batyr üstel tennisı boiynşa Qazaq elınen şyqqan tūŋǧyş älem chempiony. Alannyŋ olimpiada chempiony atanaryna da qoldauşylary naq senımdı.
"Būl tarih! Bızdıŋ jas Alan Qūrmanǧaliev älem chempiony atandy. Bızdıŋ ülken üstel tennisı otbasymyz būl nätijege öte quanyşty jäne ony sportşynyŋ qajyrly eŋbegı men öz ısıne degen süiıspenşılıgınıŋ nätijesı retınde baǧalaidy!",- dedı üstel tennisı Federasiiasynyŋ prezidentı Daniiar Äbılǧazin.
Jeŋıstı kün, ajarly saǧat, jūldyzdy sätterde jolyqqanşa, Alan!
"Adyrna" ūlttyq portaly
Ūqsas jaŋalyqtar
qytai
sportşy
üstel tennisı
altyn medal
qazaqstan sporty
kärıs
qazaq sporty
Japon
qazaq balasy
alan qūrmanǧaliev
