Erekshe bastalyp, ulttyq úrdis alǵan osy oqıǵa mynandaı jaıttardy kórsetti.
Birinshi, bılik aıaq asty oqıǵalarǵa daıyn emes.
Ekinshi, táýelsiz jýrnalıstıka túgili, ulttyq baǵyttaǵy BAQ joq. Kerisinshe, ultqa qarsy sóıleıtin baýyry sýyq blogerler bar ekeni tanyldy.
Úshinshi, Assambleıa qaýqarsyz, qajetsiz qurylym.
Tórtinshi, bılik ishinde ult sózin sóıleıtin EShKIM joq.
Bunyń bári daýsyz aksıoma. Endi bul oqıǵa neden bastaý alýy múmkin, nege bulaı boldy desek... Qaraǵandy álde bir toqyraýǵa, estandy tájirbıege ushyraǵandaı. Yńǵaısyz jaǵdaıda bastalǵan IIM Akademııasyndaǵy "málimdeme" IIM ishindegi klan soǵysynyń kórinisi sekildi. "Ejelgi Rumdaǵy" janjal sonyń basqasha jalǵasyndaı. Eski Keńes kezinde, búgingi Qazaqstanda UQK men IIM arasyndaǵy teke-tires bizge málim, bunyń aıaǵy Andropovtiń bılikke kelýimen bitken. Týra osyndaı jaıttarmen Pýtın de prezıdentke aınaldy.
Al bizdiń UQK basshysy eki márte ókimetti basqarǵany bárimizge belgili. Nemese bul Nıǵamatýllınnen qalǵan "qazynalardy" bólisý. Kúdiktiler arasynda "oǵlylardyń" bolýy odan keıin joǵalyp ketýi, qyryq bir qumalaqty bireýlerdiń asyǵa aralastyryp jatqanyn kórsetti. Nemese syrtqy kúshter- qazaq dalasyn ázirbaıjan men ármen arasyndaǵy maıdan arenasyna aınaldyrmaq! Onda Eýrazııalyq odaq qazaq bıliginiń qolyn ary baılaı túsedi. Álde bir kúshter-ármen men saqshylardyń sóılesken aýdıojazbalaryn tógip, quıýda. Osy arqyly quqyq qorǵaý organdarynyń qylmysyn ashyp, restoran egelerin de kórsetýde.Bundaı málimetter jaı shashylmaıdy, qarapaıym el bilmes tender máseleleri de aıtylyp qaldy. Biraq qazaq atalmysh synaqtan adaspaı ótti! Bizge temirdeı tártip kerek, jónge salý kerek degen baılaýly blogshiler shyǵary anyq. Budan ári aıyldy tartar bolsa attan qulaıdy bul júıe.
Qaraǵandy- jolaıyryqta turǵanymyzdy kórsetti. Jaýlardyń jar astynda emes, janyńda jatqanyn aıtty-Qaraǵandy. Bozdaǵyńnyń baýyzdalyp, qar ústinde qaraýsyz qalatynyn da eskertti-Qaraǵandy. Qaharly qystan da sýyq er qaıraty, el qaıraty bar ekenin pash etti-Qaraǵandy...
Serik Elikbaı
"Adyrna" ulttyq portaly
