11 jeltoqsan künı Maŋǧystau oblysy, Mūnaily audanynda tört adam öz ömırın qidy. Qaiǧyly qaza qalyŋ qazaqtyŋ qabyrǧasyn qaiystyrdy. Ömırmen qoş aitysqan azamattardyŋ boiynda asfiksiia [tūnşyǧu] belgılerı baiqalǧan. Ökınışke qarai, asa auyr qaiǧyly habardy "Adyrna" ūlttyq portaly estırtedı.
Polisiianyŋ mälımetınşe, tergeu barysynda 38 jastaǧy er adam, segız jas, tört jas jäne on ailyq üş bala asylyp ölgenı anyqtaldy.
Polisiia departamentınıŋ baspasöz qyzmetı marqūm äkenıŋ äielıne joldanǧan haty tabylǧanyn aitty. Hatta er adam o düniege balalaryn da özımen bırge ala ketuge bel buǧanyn jazǧan.
"Būl jaǧdaiǧa otbasyndaǧy janjal sebep bolǧan, ol äielımen ajyrasqaly jatqan. Erlı-zaiyptylardyŋ ekeuınıŋ de tūraqty jūmys orny bolǧan", – delıngen Polisiia departamentı taratqan aqpartta.Qazır Qazaqstan Respublikasy Qylmystyq kodeksınıŋ 99-babynyŋ 2-bölıgı boiynşa Mūnaily audanynyŋ polisiia bölımı sotqa deiıngı tergep tekserudıŋ nazarǧa alynǧanyn habarlady. Barşa Qazaq elınıŋ azamattaryn sabyr tılep, jaqyndaryŋyzǧa janaşyr boluǧa, bır-bırlerıŋızge syilastyq körsetuge şaqyramyz!
"Adyrna" ūlttyq portaly
Ūqsas jaŋalyqtar
