Ötken jyldyŋ qyrküiek aiynan bastap Astanada jergılıktı tūrǧyndarǧa jūmys tabuǧa, kırısterın köbeituge jäne qysqa merzımde jaŋa mamandyqtardy igeruge kömektesetın JOLTAP auqymdy jobasy ıske asyryluda. Osy uaqyt ışınde onyŋ aiasynda ondaǧan myŋ azamat mamandardan keŋes alyp, oqu kursynan öttı, dep habarlaidy elorda äkımdıgınıŋ resmi saity.
Joba Astana äkımdıgınıŋ bastamasymen Memleket basşysynyŋ tapsyrmalaryn oryndau maqsatynda jüzege asyryluda. Joba operatory «Jaŋa mümkındık» qoǧamdyq qory bolyp sanalady.
JOLTAP jobasy bırneşe kezeŋmen jüzege asyrylady. Bırınşı kezeŋ – «Barşaǧa mümkındık» moduldık punktterın ornatu jäne ıske qosu. Qazır qala boiynşa adamdar köp jinalatyn jerlerde ornalasqan 6 moduldık punkt jūmys ısteidı. Mūnda qala tūrǧyndary memlekettık qoldaudyŋ 52 şarasy boiynşa kömek ala alady (şaǧyn nesieleu/bizneske arnalǧan granttar, subsidiialanatyn jūmys oryndary, äleumettık tölemder jäne t. b.), 20 avtorlyq kurs boiynşa tegın oquǧa jazylu, qalanyŋ özektı bos jūmys oryndary turaly bılu jäne sifrlyq süiemeldeu boiynşa kömek alu (ESQ qaita jaŋartu, kezekte.kz, enbek.kz jäne t. B. saittarynda tırkeu). Qazırgı uaqytta elordanyŋ 24 myŋ tūrǧyny moduldık punktterde keŋes aldy, olardyŋ negızgı bölıgı – 35 jasqa deiıngı jūmyssyz jastar. Atap aitqanda, 17 myŋ adam oquǧa jazyldy, 5 myŋ ötınış bıldırgen adam äkımdık basqarmalaryna memlekettık qoldau şaralaryn aluǧa ötınım berdı.
Jobanyŋ ekınşı kezeŋı – sifrlyq jäne jūmysşy mamandyqtar bölıgınde özektı jäne praktikalyq daǧdylardy tegın oqytudy ūiymdastyru. Barlyq 20 oqu baǧdarlamasy avtorlyq bolyp sanalady jäne elordalyq biznes ökılderımen bırlesıp äzırlengen. Synyptar barlyq qajettı zattarmen jabdyqtalǧan. Negızgı nazar tıgınşı, sänger – konstruktor, buhgalterlık esep negızderı, korpustyq jihaz jasau negızderı, satuşy-kassir, onlain dükenderdegı sauda negızderı, aiaq kiım jöndeu şeberhanasy, elektr gazben dänekerleuşı, mai auystyru punktı jäne şinomontaj, barista siiaqty jūmysşy mamandyqtardy oqytuǧa audarylady. Oqytuşylar öz salalarynda qoldanbaly täjıribesı bar bırqatar täjıribeşılerden taŋdaldy. Qala tūrǧyndary sonymen qatar qazırgı älemde özektı bolyp sanalatyn 8 sifrlyq daǧdylar boiynşa bılım ala alady – SMM, saittardy äzırleu, beinemontaj, grafikalyq dizain, kontent-krieitor, targetolog, mobilograf, negızgı sifrlyq daǧdylar. Qosymşa daǧdylardy üirenıp, qala tūrǧyndary qalalyq käsıporyndarǧa jūmysqa ornalasady, aǧymdaǧy jūmys ornynda bäsekege qabılettılıgın arttyrady nemese qaşyqtan tapsyrystardy qabyldai bastady. Osy jūmystyŋ nätijesınde bır jyl ışınde myŋǧa juyq qala tūrǧyny JK aşyp, jaŋa jūmys oryndaryn aşty. Oqytu baǧdarlamalary eŋbek naryǧyna süiene otyryp qūrastyrylǧan jäne mamandyqqa bailanysty 2 aptadan 1 aiǧa deiın barynşa qysqa merzımde praktikalyq daǧdylardy ūsynuǧa baǧyttalǧan.
Bır jyl ışınde 7,5 myŋnan astam qala tūrǧyny jūmys jäne sifrlyq mamandyqtar boiynşa bılım alyp, praktikalyq daǧdylarǧa ie boldy.
Üşınşı kezeŋ – jūmys pen qyzmetkerlerdı ızdeuge arnalǧan «JUMYSTAP.kz»platformany ıske qosu. Bügıngı taŋda 12 myŋǧa juyq paidalanuşy tırkelgen, onyŋ 2 myŋy jūmys beruşıler bolyp sanalady, sonyŋ ışınde Magnum, Shaurma Food, Danmard, «12 ai», Zeta, YDA zauyty, DSK GLB siiaqty ırı jäne jelılık kompaniialar jäne basqalar bar. Platformaǧa basqa öŋırlerdıŋ biznes ökılderı de qyzyǧuşylyq tanytyp otyr, būl qala tūrǧyndaryna elordada ǧana emes, elımızdıŋ basqa qalalarynda da jūmys ızdeuge mümkındık beredı. Qazırgı uaqytta qala käsıporyndaryna 5 myŋnan astam adam jūmysqa ornalasty, öz ısın aşty nemese frilans boiynşa tapsyrys qabyldai bastady.
JOLTAP jobasyn ıske asyru demeuşılık qarajat esebınen jüzege asyrylady, būl adami kapitaldy damytuǧa üles türındegı biznestıŋ äleumettık jauapkerşılıgınıŋ jaŋa nysany bolyp sanalady. Joba turaly tolyǧyraq @joltap.kz Instagram paraqşasy arqyly tanysuǧa bolady. Jobanyŋ call-ortalyǧy: +7 (707) 221 31 31
Ūqsas jaŋalyqtar
